ପାକ୍ ସୀମାରେ ଭାରତର ବଙ୍କର ନିର୍ମାଣ
ନୂଆଦିଲ୍ଲୀ: ଜମ୍ମୁ-କଶ୍ମୀରର ରାଜୌରି ସେକ୍ଟରକୁ ପାକିସ୍ତାନ ସେନା ତୁହାକୁ ତୁହା ଟାର୍ଗେଟ କରୁଥିବାରୁ ଗ୍ରାମବାସୀଙ୍କୁ ସୁରକ୍ଷିତ ରଖିବା ପାଇଁ ଏବେ ଭାରତ ୨ ହଜାର ବଙ୍କର ନିର୍ମାଣ କରୁଛି । ପ୍ରାୟ ୧ ହଜାର ବଙ୍କର ନିର୍ମାଣ ସଂପୂର୍ଣ୍ଣ ହୋଇଥିବା ବେଳେ ଧାର୍ଯ୍ୟ ସମୟସୀମା ମଧ୍ୟରେ ସମସ୍ତ ବଙ୍କର କାର୍ଯ୍ୟ ଶେଷ ହେବ ବୋଲି ଜଣାପଡ଼ିଛି। ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ ସମୟରେ ଗ୍ରାମବାସୀଙ୍କୁ ଏହି ବଙ୍କର ଗୁଳିଗୋଳାରୁ ରକ୍ଷା କରିପାରିବ। ଏହା ସହିତ କେତେକ ସ୍ବତନ୍ତ୍ର ସୁରକ୍ଷା ଶିବିର ମଧ୍ୟ ସ୍ଥାପନ କରାଯାଇଛି।