ଶାହାଙ୍କ ଭବିଷ୍ୟବାଣୀ: ୨୦୪୭ ସୁଦ୍ଧା ଭାରତ ହେବ ବିଶ୍ୱଗୁରୁ
ନୂଆଦିଲ୍ଲୀ: କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ମଙ୍ଗଳବାର କହିଛନ୍ତି ଯେ ଯଦି ଦେଶବାସୀ ଆସନ୍ତା ୨୫ ବର୍ଷ ମଧ୍ୟରେ ଦେଶର ବିକାଶ ପାଇଁ ଥିବା ସଂକଳ୍ପକୁ ପୂରଣ କରନ୍ତି, ତେବେ ଭାରତ ୨୦୪୭ ସୁଦ୍ଧା ବିଶ୍ୱ ଗୁରୁ ହୋଇଯିବ।
Sambad is now on WhatsApp
Join and get latest news updates delivered to you via WhatsApp
୨୦୪୭ରେ ଭାରତ କିପରି ହେବ ବିଶ୍ୱ ଗୁରୁ? ଏହା ପ୍ରତ୍ୟେକ କ୍ଷେତ୍ରରେ କିପରି ହେବ? ଶିକ୍ଷା, ସ୍ୱାସ୍ଥ୍ୟ ଏବଂ ବିକାଶ କ୍ଷେତ୍ରରେ ଏହା କିପରି ହେବ? ଏହାର ଉତ୍ତରରେ ସେ କହିଛନ୍ତି ଚଳିତ ବର୍ଷ ହେଉଛି ପ୍ରତ୍ୟେକ କ୍ଷେତ୍ରରେ ଭାରତକୁ ଉନ୍ନତ କରିବାର ବର୍ଷ । ଯଦି ଆମେ ଏହି ମୂଳ କ୍ଷେତ୍ରଗୁଡ଼ିକ ଉପରେ କାର୍ଯ୍ୟ କରିବା ଏବଂ ଆସନ୍ତା ୨୫ ବର୍ଷ ମଧ୍ୟରେ ଏହାର ଲକ୍ଷ୍ୟ ପୂରଣ କରିବା, ତେବେ ୨୫ ବର୍ଷ ପରେ ଭାରତ ବିଶ୍ୱ ଗୁରୁ ହେବ ବୋଲି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ଜାତୀୟ ରାଜଧାନୀ ନୂଆଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମକୁ ସମ୍ବୋଧିତ କରିବା ଅବସରରେ କହିଛନ୍ତି।
‘ହର ଘର ତ୍ରିରଙ୍ଗା’ ଅଭିଯାନ (ଅଗଷ୍ଟ ୧୩ରୁ ୧୫) ସମୟରେ ପ୍ରତ୍ୟେକ ନାଗରିକଙ୍କୁ ନିଜ ଘରେ ଜାତୀୟ ପତାକା ଉତ୍ତୋଳନ କରିବାକୁ ଅନୁରୋଧ କରି ଅମିତ ଶାହା ମଙ୍ଗଳବାର କହିଛନ୍ତି ଯେ ଏହି କାର୍ଯ୍ୟକ୍ରମ ଦେଶର ସମୃଦ୍ଧି ପାଇଁ ଭାରତର ଜନସାଧାରଣଙ୍କ ସଂକଳ୍ପ ବିଷୟରେ ବିଶ୍ୱକୁ ଏକ ବାର୍ତ୍ତା ଦେଇଛି।
ସେ କହିଥିଲେ ଯେ ‘ଆଜାଦି କା ଅମୃତ ମହୋତ୍ସବ’ (ଏକେଏମ) ଅଧୀନରେ ପ୍ରତ୍ୟେକ ପରିବାରରେ ପତାକା ଉତ୍ତୋଳନ ପାଇଁ ଆହ୍ଵନ ହେଉଛି ଯୁବପିଢ଼ିଙ୍କୁ ୯୦ ବର୍ଷର ଦୀର୍ଘ ସଂଘର୍ଷ ସମୟରେ ସ୍ୱାଧୀନତା ସଂଗ୍ରାମୀମାନଙ୍କ ଦ୍ୱାରା ଦିଆଯାଇଥିବା ବଳିଦାନ ବିଷୟରେ କହିବା ଏବଂ ସେମାନଙ୍କ ମଧ୍ୟରେ ଦେଶଭକ୍ତିର ଭାବନା ସୃଷ୍ଟି କରିବା।
ସ୍ୱରାଷ୍ଟ୍ର ମନ୍ତ୍ରୀ ଶାହା କହିଛନ୍ତି, ଏହି ଅଭିଯାନ ହର ଘର ତ୍ରିରଙ୍ଗା ବିଶ୍ୱ ପାଇଁ ଏକ ବାର୍ତ୍ତା ଯେ ପ୍ରତ୍ୟେକ ଭାରତୀୟ ନାଗରିକ ଆସନ୍ତା ୨୫ବର୍ଷ ପାଇଁ ମିଳିତ ଭାବେ କାର୍ଯ୍ୟ କରିବେ, ଯେଉଁମାନେ ସମ୍ବିଧାନ ପ୍ରସ୍ତୁତ କରିଥିଲେ ଏବଂ ସମ୍ବିଧାନର ଆଶା, ବିକାଶ, ସଫଳତା, ସୁରକ୍ଷା ଏବଂ ଭାରତୀୟ ସଂସ୍କୃତିକୁ ଆଗକୁ ବଢାଇଥିଲେ।