ଏଲଏସିରେ ଉତ୍ତେଜନା ହ୍ରାସ ପାଇଁ ଜାରି ରହିଛି ୧୨ତମ ଭାରତ-ଚୀନ ସେନା ସ୍ତରୀୟ ଆଲୋଚନା
ନୂଆଦିଲ୍ଲୀ : ପ୍ରକୃତ ନିୟନ୍ତ୍ରଣ ରେଖା (ଏଲଏସି)ରୁ ସେନା ପ୍ରତ୍ୟାହାର ସହ ଉତ୍ତେଜନା ହ୍ରାସ ପାଇଁ ଆଜି ଭାରତ ଓ ଚୀନ ମଧ୍ୟରେ ୧୨ତମ କୋର୍ କମାଣ୍ଡର ସ୍ତରୀୟ ଆଲୋଚନା ଅନୁଷ୍ଠିତ ହେଉଛି । ଆଜି ଅର୍ଥାତ ଶନିବାର ସାଢେ ୧୦ଟାରୁ ଏଲଏସିର ଚୀନ ପଟେ ଥିବା ମୋଲଡୋରେ ଏହି ଆଲୋଚନା ଆରମ୍ଭ ହୋଇଥିଲା । ଆଜିର ବୈଠକରେ ଗୋଗ୍ରା ଶିଖର ଓ ହଟସ୍ପ୍ରିଙ୍ଗ ଅଞ୍ଚଳରୁ ସେନା ପ୍ରତ୍ୟାହାର ପ୍ରସଙ୍ଗରେ ଏହି ଆଲୋଚନା ହୋଉଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଗତ ବର୍ଷ ଚୀନ ସେନା ଏଲଏସି ଅତିକ୍ରମ କରିବା ପରେ ଏହି ଦୁଇଟି ଫିକ୍ସନ ପଏଣ୍ଟ ବା ସଂଘର୍ଷ ସ୍ଥଳୀ ସୃଷ୍ଟି ହୋଇଥିଲା । ଏହି ଦୁଇଟି ଅଂଚଳରେ ଚୀନ ସେନା ଏବେ ବି ରହିଛନ୍ତି ଓ ତାହାକୁ ତାଳଦେଇ ସେଠାରେ ଭାରତୀୟ ସେନା ବି ମୁତୟନ କରାଯାଇଛି ।
ଦୁଇଦିନ ତଳେ ଭାରତରେ ଅବସ୍ଥାପିତ ଚୀନ ରାଷ୍ଟ୍ରଦୂତ କହିଥିଲେ ଯେ ଗଲଓ୍ବାନ ଘାଟି ଓ ପେଙ୍ଗୟାଙ୍ଗ ହ୍ରଦ ନିକଟରୁ ଦୁଇଦେଶର ସେନା ପ୍ରତ୍ୟାହୃତ ହୋଇଛନ୍ତି । ତେବେ ଭାରତ ଏହାକୁ ଅସ୍ବୀକାର କରିଥିଲା ।