ଲଦାଖରେ ମିଗ-୨୯କେ ଲଢୁଆ ବିମାନ ମୁତୟନ
ଆମେରିକା ସଂସଦରେ ଭାରତ ସପକ୍ଷରେ ପ୍ରସ୍ତାବ ଗୃହୀତ
ନୂଆଦିଲ୍ଲୀ : ଚୀନର ଆକ୍ରାମକ ନୀତିକୁ ପ୍ରତିହତ କରିବାକୁ ଭାରତୀୟ ସେନା ନିଜର ପ୍ରସ୍ତୁତି ଜାରି ରଖିଛି । ଲଦାଖରେ ଥିବା ପ୍ରକୃତ ନିୟନ୍ତ୍ରଣ ରେଖା ନିକଟରେ ଦୁଇପକ୍ଷ ମଧ୍ୟରେ ସେନା ପ୍ରତ୍ୟାହାର ହୋଇଥିବା ସତ୍ତ୍ୱେ ଚୀନ ଉପରେ ସଂପୂର୍ଣ୍ଣ ଭରସା କରିପାରୁ ନାହିଁ ଭାରତୀୟ ସେନା । ଏଥିପାଇଁ ଚୀନ ସୀମାରେ ଅଧିକରୁ ଅଧିକ ଲଢୁଆ ବିମାନ ମୁତୟନ କରିଚାଲିଛି ଭାରତ । ନୌସେନା ଦ୍ୱାରା ବ୍ୟବହାର ହେଉଥିବା ମିଗ-୨୯କେ ଲଢୁଆ ବିମାନ ଓ ପସେଡନ-୮ଆଇ ପ୍ରହରା ବିମାନକୁ ଲଦାଖ ନିକଟରେ ମୁତୟନ କରାଯାଇଛି । ଏହା ପୂର୍ବରୁ ଭାରତୀୟ ବାୟୁସେନା ପକ୍ଷରୁ ନିଜର ଜାଗୁଆର, ମିରାଜ ଓ ସୁଖୋଇ ବିମାନ ଏବଂ ଆମେରିକା ନିର୍ମିତ ଆପାଚେ ଓ ଚିନୁକ ହେଲିକାପ୍ଟରକୁ ସୀମାରେ ମୁତୟନ କରାଯାଇଛି ।
କେବଳ ଏତିକି ନୁହେଁ ଭାରତ ପକ୍ଷରୁ ଆଣ୍ଡାମାନ ନିକଟରେ ୧୦ଟି ଜାଗୁଆର ଲଢୁଆ ବିମାନକୁ ମୁତୟନ କରାଯାଇଛି । ଏସବୁ ବିମାନରେ ଜାହାଜ ଧ୍ୱଂସ କରୁଥିବା ହାର୍ପୁନ ମିସାଇଲ ଲାଗିଛି । ଚୀନ ସହିତ ଯୁଦ୍ଧ ହେବା ସ୍ଥିତିରେ ମଲାକ୍କା ଷ୍ଟେଟ ଦେଇ ଯାଉଥିବା ଚୀନ ଜାହାଜଗୁଡ଼ିକୁ ଅଟକାଇବାକୁ ଭାରତୀୟ ନୌସେନା ରଣନୀତି ପ୍ରସ୍ତୁତ କରିଛି ।
Sambad is now on WhatsApp
Join and get latest news updates delivered to you via WhatsApp
ଆମେରିକା ସଂସଦରେ ଭାରତ ସପକ୍ଷରେ ପ୍ରସ୍ତାବ ଗୃହୀତ
ଅନ୍ୟପକ୍ଷରେ ଚୀନ ସହିତ ଏହି ବିବାଦରେ ଆମେରିକା ସଂପୂର୍ଣ୍ଣ ଭାବେ ଭାରତ ପଛରେ ଛି଼ଡ଼ା ହୋଇଛି । ଆଜି ଆମେରିକାର ହାଉସ ଅଫ ରିପ୍ରେଜେଣ୍ଟିଭରେ ଚୀନ ବିରୁଦ୍ଧରେ ଏକ ପ୍ରସ୍ତାବ ଗୃହୀତ କରି କୁହାଯାଇଛି ଯେ ଚୀନ ଭାରତୀୟ ଅଞ୍ଚଳକୁ ଦଖଲ କରିବାକୁ ଉଦ୍ୟମ କରୁଛି ।