ଦୁଇ ବର୍ଷ ପାଇଁ ଜାତିସଂଘ ସୁରକ୍ଷା ପରିଷଦର ଅସ୍ଥାୟୀ ସଦସ୍ୟ ଭାବେ ନିର୍ବାଚିତ ହେଲା ଭାରତ
ୱାଶିଂଟନ୍: ବୁଧବାର ଦୁଇ ବର୍ଷ ପାଇଁ ଜାତିସଂଘ ସୁରକ୍ଷା ପରିଷଦର ଅସ୍ଥାୟୀ ସଦସ୍ୟ ଭାବେ ନିର୍ବାଚିତ ହୋଇଛି ଭାରତ। ଜାତିସଂଘ ସାଧାରଣ ପରିଷଦର ୧୯୩ ଜଣ ସଦସ୍ୟଙ୍କ ମଧ୍ୟରୁ ୧୮୪ ରାଷ୍ଟ୍ରର ଭୋଟ୍ ପାଇବା ପରେ ଭାରତ ନିର୍ବାଚିତ ହୋଇଛି। ବୁଧବାର ହୋଇଥିବା ସୁରକ୍ଷା ପରିଷଦ ସଦସ୍ୟତା ଲାଗି ଅନୁଷ୍ଠିତ ନିର୍ବାଚନରେ ଭାରତ ସହିତ ଆୟର୍ଲ୍ୟାଣ୍ଡ୍, ମେକ୍ସିକୋ ଏବଂ ନରୱେ ମଧ୍ୟ ବିଜୟୀ ହୋଇଛନ୍ତି। ଭାରତ ୧୮୪ ଭୋଟ୍ ପାଇ ବିଜୟୀ ହୋଇଥିବା ବେଳେ ପରାଜିତ ହୋଇଛି କାନାଡା। ମତଦାନ କରିଥିବା ସଦସ୍ୟମାନେ ମିଶି ଭାରତକୁ ୨୦୨୧-୨୨ ବର୍ଷ ପାଇଁ ଜାତିସଂଘ ସୁରକ୍ଷା ପରିଷଦର ଅସ୍ଥାୟୀ ସଦସ୍ୟ ଭାବେ ନିର୍ବାଚିତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
Deeply grateful for the overwhelming support shown by the global community for India’s membership of the @UN Security Council. India will work with all member countries to promote global peace, security, resilience and equity.
— Narendra Modi (@narendramodi) June 18, 2020
ଆସନ୍ତା ଜାନୁଆରି ୧ ତାରିଖରୁ ନେଇ ଦୁୁଇ ବର୍ଷ ଭାରତ ଏହି ଶକ୍ତିଶାଳୀ ଆସନରେ ବିରାଜମାନ କରିବ। ଭାରତ ସହିତ ୫ ସ୍ଥାୟୀ ସଦସ୍ୟ ଚୀନ, ଫ୍ରାନ୍ସ, ରୁଷିଆ, ଇଂଲଣ୍ଡ ଏବଂ ଆମେରିକା ମଧ୍ୟ ରହିବେ। ଏହି ଦେଶଗୁଡ଼ିକ ବ୍ୟତୀୟ ଅନ୍ୟ ଅସ୍ଥାୟୀ ସଦସ୍ୟ ଇଷ୍ଟୋନିଆ, ନାଇଜର୍, ସେଣ୍ଟ୍ ଭିସେଣ୍ଟ୍, ଗ୍ରେନାଡିନ୍ସ, ଟୁନିସିଆ ଏବଂ ଭିଏତନାମା ମଧ୍ୟ ରହିବେ।
Member States elect India to the non-permanent seat of the Security Council for the term 2021-22 with overwhelming support.
India gets 184 out of the 192 valid votes polled. pic.twitter.com/Vd43CN41cY
— India at UN, NY (@IndiaUNNewYork) June 17, 2020
ଉଲ୍ଲେଖଯୋଗ୍ୟ, ବେଲ୍ଜିୟମ୍, ଡୋମିନିକାନ୍ ରିପବ୍ଲିକ୍, ଜର୍ମାନୀ, ଇଣ୍ଡୋନେସିଆ ଏବଂ ଦକ୍ଷିଣ ଆଫ୍ରିକା ଆଦି ଦେଶମାନଙ୍କର ୨ ବର୍ଷିଆ କାର୍ଯ୍ୟକାଳ ଚଳିତ ବର୍ଷ ଶେଷ ହୋଇଯିବ।