ଜାତିସଂଘ ଶିବିର ଉପରେ ଇସ୍ରାଏଲର ଆକ୍ରମଣକୁ ନେଇ ଭାରତର ଚିନ୍ତା

ନୂଆଦିଲ୍ଲୀ: ଜାତିସଂଘ ଶାନ୍ତିସେନା ରହୁଥିବା ଶିବିରଗୁଡ଼ିକ ଉପରେ ଇସ୍ରାଏଲର ଆକ୍ରମଣକୁ ନେଇ ଭାରତ ଚିନ୍ତା ପ୍ରକଟ କରିଛି । ସ୍ଥିତି ଉପରେ ନଜର ରଖାଯାଇଛି ବୋଲି ନୂଆଦିଲ୍ଲୀ କହିଛି ।

ସୂଚନା ଅନୁସାରେ ଇସ୍ରାଏଲ ସେନା ଦକ୍ଷିଣ ଲେବାନନରେ ଥିବା ଜାତିସଂଘର ଶାନ୍ତିରକ୍ଷୀଙ୍କ ତିନୋଟି ଶିବିର ଉପରକୁ ଗୁଳି ଚଳାଇବାରୁ କେତେକ ଜାତିସଂଘ କର୍ମଚାରୀଙ୍କୁ ଆହତ ହୋଇଛନ୍ତି। ସେଠାରେ କେତେକ ଭାରତୀୟ ଶାନ୍ତିରକ୍ଷୀ ଥିବାରୁ ଭାରତ ଚିନ୍ତା ପ୍ରକଟ କରିଛି । 

ଭାରତର ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଯେ ବ୍ଲୁ ଲାଇନରେ ଖରାପ ହେଉଥିବା ସୁରକ୍ଷା ପରିସ୍ଥିତିକୁ ନେଇ ଭାରତ ଚିନ୍ତିତ ଅଛି ଏବଂ ପରିସ୍ଥିତି ଉପରେ ନଜର ରଖାଯାଇଛି। ଏହି ୬୦୦ ଭାରତୀୟ ସୈନିକ ଲେବନାନରେ ଜାତିସଂଘର ଶାନ୍ତି ରକ୍ଷା ମିଶନର ଅଂଶ ବିଶେଷ ଏବଂ ଇସ୍ରାଏଲ ସୀମାରେ ୧୨୦ କିଲୋମିଟର ବ୍ଲୁ ଲାଇନରେ ସେମାନଙ୍କୁ ମୁତୟନ କରାଯାଇଛି । ସମସ୍ତେ ଜାତିସଂଘ ପରିସରର ଅଖଣ୍ଡତାକୁ ସମ୍ମାନ ଦେବା ସହ ଜାତିସଂଘ ଶାନ୍ତିରକ୍ଷୀଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ଉପଯୁକ୍ତ ପଦକ୍ଷେପ ନେବା ଉଚିତ। ଲେବନାନରେ ମିଳିତ ଜାତିସଂଘର ଅନ୍ତରୀଣ ବାହିନୀ କାର୍ଯ୍ୟ କରୁଥିବା ଲେବନାନରେ ଜାତିସଂଘର ଟାର୍ଗେଟ ଉପରେ ଇସ୍ରାଏଲର ଆକ୍ରମଣକୁ ନେଇ ଅନ୍ତର୍ଜାତୀୟ ସ୍ତରରେ ତୀବ୍ର ନିନ୍ଦା କରାଯାଉଥିବା ବେଳେ ଭାରତୀୟ ବୈଦେଶିକ ବ୍ୟାପାର ମନ୍ତ୍ରଣାଳୟ ଏହି ବୟାନ ଦେଇଛି ।