ଭାରତ ମହାସାଗରରେ ବଢୁଛି ଚୀନ ନୌସେନାର ପ୍ରଭାବ : ମିଳିତ ପ୍ରହରା ଦେବେ ଭାରତ ଓ ଫ୍ରାନ୍ସର ନୌସେନା
ନୂଆଦିଲ୍ଲୀ : ଭାରତ ମହାସାଗରରେ ଚୀନର ପ୍ରଭାବ ବଢୁଥିବାରୁ କେବଳ ଭାରତ ନୁହେଁ ୟୁରୋପୀୟ ଦେଶ ମାନେ ମଧ୍ୟ ଚିନ୍ତିତ ହୋଇପଡ଼ିଛନ୍ତି । ଏହାଛଡା ସୋମାଲିଆ ଜଳଦସ୍ୟୁମାନଙ୍କ ଉତ୍ପାତ ମଧ୍ୟ ବଢିଚାଲିଛି ।
Sambad is now on WhatsApp
Join and get latest news updates delivered to you via WhatsApp
ଏହାକୁ ଦୃଷ୍ଟିରେ ରଖି ଭାରତ ମହାସାଗରରେ ମିଳିତ ପ୍ରହରା ପାଇଁ ରାଜି ହୋଇଛନ୍ତି ଭାରତ ଓ ଫ୍ରାନ୍ସ । ଏହି ମହାସାଗରରେ ଥିବା ପରସ୍ପରର ସାମରିକ ସ୍ୱାର୍ଥର ସୁରକ୍ଷା କରିବା, ଗୁଇନ୍ଦା ସୂଚନା ଆଦାନପ୍ରଦାନ ଓ ଚୋରାକାରବାରକୁ ରୋକିବା ପାଇଁ ଦୁଇଦେଶ ସହମତ ହୋଇଛନ୍ତି । ଏ ସଂପର୍କରେ ଆସନ୍ତା ବର୍ଷ ଦୁଇ ଦେଶର ନୌସେନା ମଧ୍ୟରେ ଏକ ଚୁକ୍ତି ସ୍ୱାକ୍ଷରିତ ହେବ ବୋଲି ଭାରତ ମହାସାଗରରେ ଥିବା ଫ୍ରାନ୍ସ ମିଳିତ ସେନାର ଜଏଣ୍ଟ କମାଣ୍ଡର ଭାଇସ୍-ଆଡମିରାଲ ଡିଡିଏର ମାଲେଟେରୀ କହିଛନ୍ତି ।
ବାଣିଜ୍ୟକାରବାର ଦୃଷ୍ଟିରୁ ଭାରତ ମହାସାଗର ବିଶ୍ୱର ଏକ ବ୍ୟସ୍ତବହୁଳ ଅଞ୍ଚଳ ହୋଇଥିବାରୁ ଜାହାଜଗୁଡ଼ିକର ମୁକ୍ତ ଓ ଅବାଧ ଚଳାଚଳ ଜରୁରୀ । କିନ୍ତୁ ଚୀନ ବିଭିନ୍ନ ଗୁରୁତ୍ୱପୂର୍ଣ୍ଣ କ୍ଷେତ୍ରରେ ନିଜର ସାମରିକ ଘାଟି ପ୍ରତିଷ୍ଠା କରୁଛି । ନିୟମିତଭାବେ ତାହାର ଯୁଦ୍ଧଜାହାଜ ଏ ଅଞ୍ଚଳରେ ପଇଁତରା ମାରୁଛନ୍ତି । ଏହାକୁ ନେଇ ଭାରତ, ୟୁରୋପୀୟ ଦେଶ ଓ ଆମେରିକା ଚିନ୍ତିତ ହୋଇପଡ଼ିଛି ।