ବିବାହ ପାଇଁ ଭାରତରୁ ପାଦରେ ଚାଲିଚାଲି ନେପାଳରେ ପହଞ୍ଛିଲେ ଯୁବକ
ଆଗ୍ରା: ବିବାହ ପାଇଁ ଭାରତରୁ ନେପାଳ ଗଲେ ଯୁବକ | ତେବେ ଯୁବକ ଜଣକ ଏଥିପାଇଁ କୌଣସି ଗାଡି ବ୍ୟବହାର କରିନଥିଲେ, ବରଂ ପାଦରେ ଚାଲି ଚାଲି ଯାଇ ନେପାଳରେ ପହଂଚିଥିଲେ | ଭାରତ-ନେପାଳ ସୀମା ଝୁଲନିପୁରରେ କିଛି ଏଭଳି ଘଟଣା ଦେଖିବାକୁ ମିଳିଛି | ମିଳିଥିବା ସୂଚନା ମୁତାବକ ଉତ୍ତରପ୍ରଦେଶର ରାମପୁରମିର ପ୍ରଦୀପ ଚୌହାନଙ୍କ ପୁଅର ବିବାହ ନେପାଳର ନାୱାଲପାରାସିର ଗୋକୁଲନଗର ଗ୍ରାମର ରାଜେନ୍ଦ୍ର ଚୌହାନଙ୍କ ଝିଅ ସହ ସ୍ଥିର ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ତେବେ କାର୍ଯ୍ୟସୂଚୀ ଅନୁଯାୟୀ, ଯେତେବେଳେ ବର ବିବାହ ପାଇଁ ସୀମାରେ ପହଞ୍ଚିଥିଲେ, କରୋନା ନିଷେଧାଦେଶ ହେତୁ ତାଙ୍କୁ ନେପାଳ ସୀମା ଭିତରକୁ ଗାଡି ପ୍ରବେଶ ପାଇଁ ଅନୁମତି ମିଳିନଥିଲା |
ଏହା ପରେ ବର ପାଦରେ ଚାଲି ଚାଲି ସୀମା ପାର ହୋଇଥିଲେ | ଆଉ ନେପାଳର ଗୋକୁଲନଗରରେ ପହଂଚି ବିବାହ କରିଥିଲେ | ତେବେ ନିଜ ଭାବି ସ୍ୱାମୀଙ୍କର ଏଭଳି ଭଲ ପାଇବା କନ୍ୟାଙ୍କୁ ମଧ୍ୟ ଖୁବ ପସନ୍ଦ ଆସିଥିଲା | ଆଉ ବିବାହ ପରେ ଉଭୟ ବର-କନ୍ୟା ପାଦରେ ଚାଲି ଚାଲି ଭାରତ-ନେପାଳ ସୀମା ଯାଏଁ ଆସିଥିଲେ | ପରେ ଭାରତ ସୀମାରୁ ଗାଡି ଯୋଗେ ନିଜ ଘରକୁ ଆସିଥିଲେ |