ନୂଆଦିଲ୍ଲୀ: ପୂର୍ବ ଲଦାଖର ୬୫ରୁ ୨୬ଟି ପାଟ୍ରୋଲ ପଏଣ୍ଟ୍ (ପିପି)ରେ ଭାରତ ତା’ର ଦଖଲ ହରାଇଛି ବୋଲି ଜନୈକ ବରିଷ୍ଠ ପୁଲିସ ଅଧିକାରୀ ଏକ ରିପୋର୍ଟରେ କହିଛନ୍ତି। ଗତ ସପ୍ତାହରେ ନୂଆଦିଲ୍ଲୀରେ ଅନୁଷ୍ଠିତ ଡିଜିପି-ଆଇଜିପି ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଉପସ୍ଥିତିରେ ଏହି ରିପୋର୍ଟ ଉପସ୍ଥାପିତ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଲଦାଖର ମୁଖ୍ୟ ସହର ଲେହର ପୁଲିସ ଏସ୍ପି ପିଡି ନିତ୍ୟ ଏହି ରିପୋର୍ଟରେ ଲେଖିଛନ୍ତି- କାରାକୋରମ ପାସ୍ଠାରୁ ଚୁମୁର ପର୍ଯ୍ୟନ୍ତ ୬୫ଟି ପିପି (ପାଟ୍ରୋଲିଂ ପଏଣ୍ଟ) ଅଛି। ଏଥିରେ ଆଇଏସ୍ଏଫ୍ (ଭାରତୀୟ ସୁରକ୍ଷା ବଳ)ର ଯବାନମାନେ ପାଟ୍ରୋଲିଂ କରନ୍ତି। କିନ୍ତୁ ସୀମିତ ପାଟ୍ରୋଲିଂ କରିବା ବା ମୋଟେ ପାଟ୍ରୋଲିଂ ନ କରିବା ଯୋଗୁ ଭାରତ ଏଥିରୁ ୨୬ଟି ପିପି ଉପରୁ ଦଖଲ ହରାଇଛି। ପରେ ଚୀନ୍ କହୁଛି, ଏହିସବୁ ପିପିରେ ଯେହେତୁ ଦୀର୍ଘଦିନ ଧରି ସାଧାରଣ ନାଗରିକ ବା ଭାରତୀୟ ଯବାନଙ୍କ ଉପସ୍ଥିତି ନ ଥିଲା, ଏଠାରେ ଚୀନାମାନେ ଉପସ୍ଥିତ ଥିଲେ ବୋଲି ଭାରତ ମାନିଯାଉ। ଏହାଦ୍ବାରା ସୀମାରେଖା ଭାରତ ଆଡ଼କୁ ଘୁଞ୍ଚିବାର ସମ୍ଭାବନା ରହିଛି। ଏଥି ସହ ଅଣ-ପାଟ୍ରୋଲିଂ ଅଞ୍ଚଳରେ ଏକ ବଫର ଜୋନ ସୃଷ୍ଟି ହୋଇଯାଇଛି। ଏହିସବୁ ଅଞ୍ଚଳରେ ଭାରତ ତା’ର ନିୟନ୍ତ୍ରଣ ହରାଇଛି।