ଆହୁରି ଶକ୍ତିଶାଳୀ ହେବା ଛଡ଼ା ଭାରତ ପାଖରେ ଆଉ କୌଣସି ବିକଳ୍ପ ନାହିଁ : ରାଜନାଥ
ନୂଆଦିଲ୍ଲୀ : ୟୁକ୍ରେନ ୟୁଦ୍ଧ ପରେ ବିଶ୍ବର ସୁରକ୍ଷା ସ୍ଥିତି, ଶାନ୍ତି, ବିଶ୍ବ ବ୍ୟବସ୍ଥାରେ ଦ୍ରୁତ ପରିବର୍ତ୍ତନ ଆସିଯାଇଛି । ଦିନକୁ ଦିନ ସ୍ଥିତି ଅଧିକ ଜଟିଳ ହେଉଛି । ଏହାର ମୁକାବିଲା କରିବାକୁ ହେଲେ ଆମକୁ ଆହୁରି ଶକ୍ତିଶାଳୀ ହେବାକୁ ପଡ଼ିବ ବୋଲି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ।
Sambad is now on WhatsApp
Join and get latest news updates delivered to you via WhatsApp
ପ୍ରତିରକ୍ଷା ଶିଳ୍ପ ସମ୍ମିଳନୀ ଡିଫକନେକ୍ଟ ୨.୦କୁ ଉଦଘାଟନ କରି ସେ କହିଛନ୍ତି ଯେ ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ବିଶ୍ବର ପରିସ୍ଥିତି ଦ୍ରୁତ ଗତିରେ ବଦଳି ଚାଲିଛି । ଏସବୁ ଘଟଣା ଭାରତକୁ ବି ପ୍ରଭାବିତ କରୁଛି । ଏଣୁ ଆମକୁ ନିଜର ଶକ୍ତି ବଢାଇବାକୁ ପଡ଼ିବ । ସେ କହିଛନ୍ତି ଯେ ଫେବ୍ରୁଆରି ୨୧ରେ ଏରୋ ଇଣ୍ଡିଆ ସମ୍ମିଳନୀରେ ଆମେ ଏକତ୍ରିତ ହୋଇଥିଲେ,ସେତେବେଳର ଓ ଆଜିର ବିଶ୍ବ ମଧ୍ୟରେ ଅନେକ ପରିବର୍ତ୍ତନ ଆସିଯାଇଛି ।
ପ୍ରତିରକ୍ଷା କ୍ଷେତ୍ରରେ ସ୍ବଦେଶୀ ଜ୍ଞାନକୌଶଳର ଉଦ୍ଭାବନ ଓ ବିକାଶ ଲକ୍ଷ୍ୟରେ ଷ୍ଟାର୍ଟଅପ୍, ଶିଳ୍ପ ସଂସ୍ଥା ଓ ସାମରିକ ବାହିନୀ ମଧ୍ୟରେ ସମନ୍ବୟ ସ୍ଥାପନ କରିବା ଲକ୍ଷ୍ୟରେ ଏହି ଡିଫକନେକ୍ଟ ୨.୦ ସମ୍ମିଳନୀର ଆୟୋଜନ କରାଯାଇଛି ।
ଗତକାଲି ଅନୁଷ୍ଠିତ ଅନୁଷ୍ଠିତ ଦ୍ବିବାର୍ଷିକ ସେନା କମାଣ୍ଡର ସମ୍ମିଳନୀକୁ ସମ୍ବୋଧିତ କରି ରାଜନାଥ କହିଥିଲେ ଯେ ଭବିଷ୍ୟତରେ ଭାରତ ଅଣପାରମ୍ପରିକ ଯୁଦ୍ଧ ପରିସ୍ଥିତିର ସମ୍ମୁଖୀନ ହୋଇପାରେ । ତାହାର ମୁକାବିଲା ପାଇଁ ସେନାକୁ ପ୍ରସ୍ତୁତ ରହିବାକୁ ପଡ଼ିବ ।