ଭାରତ ଏକ ଗରିବ ଦେଶ ନୁହେଁ, ମହାକାଶ କାର୍ଯ୍ୟକ୍ରମକୁ ଯଥାର୍ଥ ବୋଲି କହିଲେ ଇସ୍ରୋ ଅଧ୍ୟକ୍ଷ କେ.ଶିବନ୍
ନୂଆଦିଲ୍ଲୀ : ମହାକାଶ ଗବେଷଣା କ୍ଷେତ୍ରରେ ଭାରତ ଏବେ ବିଶ୍ୱର ଏକ ଆଗୁଆ ଦେଶ । ଭାରତର ଚନ୍ଦ୍ରଯାନ-୨ ଆସନ୍ତା ସେପ୍ଟେମ୍ବର ୭ରେ ଚନ୍ଦ୍ରପୃଷ୍ଠରେ ଓହ୍ଲାଇବ । ଆସନ୍ତା ୨୦୨୨ ସୁଦ୍ଧା ଭାରତ ମହାକାଶକୁ ପ୍ରଥମଥର ପାଇଁ ମଣିଷ ପଠାଇବ । ଭାରତର ଏତେ ସଫଳତା ସତ୍ତ୍ୱେ ସମାଲୋଚକମାନେ ସମାଲୋଚନା ଛାଡିପାରିନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ଭାରତ ଏକ ଗରିବ ଦେଶ ହୋଇଥିଲେ ମଧ୍ୟ କୋଟି କୋଟି ଟଙ୍କା ବ୍ୟୟ କରି ଚନ୍ଦ୍ରକୁ ଯାନ ପଠାଇବାକୁ ନେଇ କେତେକ ପ୍ରଶ୍ନ ଉଠାଇଛନ୍ତି । ଏହାର ଜବାବ ରଖିଛନ୍ତି ଇସ୍ରୋ ଅଧ୍ୟକ୍ଷ କେ.ଶିବନ । ସେ କହିଛନ୍ତି ଯେ ଆଜି ଭାରତର ଅର୍ଥନୀତି ବିଶ୍ୱରେ ୭ମ ବୃହତ୍ତମ ଅର୍ଥନୀତି । ଏଣୁ ଭାରତ ଗରିବ ନୁହେଁ । ଭାରତୀୟ ମହାକାଶ ଗବେଷଣାର ସୁଫଳ ସାଧାରଣ ଲୋକଙ୍କ ପାଖରେ ପହଞ୍ଚିପାରିଛି । ସେ ଆହୁରି ମଧ୍ୟ କହିଛନ୍ତି ଯେ ଭାରତ ଚାଉଳ ଉତ୍ପାଦନରେ ବିଶ୍ୱରେ ୧ନମ୍ବର, ଗହମ ଉତ୍ପାଦନରେ ୨ ନମ୍ବର, ରିମୋଟ ସେନସିଂ ଉପଗ୍ରହ କ୍ଷେତ୍ରରେ ଭାରତ ନମ୍ବର ୧, ଭାରତର ଆଇଟି ଶିଳ୍ପ ବିଶ୍ୱରେ ଅଗ୍ରଣୀ । ଏଣୁ ଭାରତ ଆଉ ପଛୁଆ ନୁହେଁ ବୋଲି ସେ କହିଛନ୍ତି ।