ନୂଆଦିଲ୍ଲୀ : “ଭାରତ ଏବେ ଭଲ ସ୍ଥିତିରେ ନାହିଁ । ବିଜେପି ସାରା ଦେଶରେ କିରୋସିନି ଢାଳିଦେଇଛି, ନିଆଁ ଟିକେ ହେଲେ ଆମେ ସମସ୍ତେ ବିପଦରେ ପଡ଼ିଯିବା” ବିଦେଶରେ ଭାରତ ସମ୍ପର୍କରେ ଏପରି କଥା କହିଛନ୍ତି କଂଗ୍ରେସ ନେତା ରାହୁଲ ଗାନ୍ଧି ।
Sambad is now on WhatsApp
Join and get latest news updates delivered to you via WhatsApp
ଲଣ୍ଡନର କେମ୍ରିଜ ବିଶ୍ବ ବିଦ୍ୟାଳୟରେ ଅନୁଷ୍ଠିତ ‘ଆଇଡିଆଜ ଫର ଇଣ୍ଡିଆ’ ଶୀର୍ଷକ ସମ୍ମିଳନୀରେ ଯୋଗ ଦେଇ ସେ କହିଛନ୍ତି ଯେ ବିରୋଧୀ ଦଳଙ୍କ ଦାୟିତ୍ବ ହେଉଛି ଲୋକମାନଙ୍କୁ, ସବୁ ସଂପ୍ରଦାୟ, ରାଜ୍ୟକୁ ଏକାଠି କରିବା ଓ ଦେଶରେ ବଢିଚାଲିଥିବା ତାପମାତ୍ରା( ସାଂପ୍ରଦାୟିକ ଉତ୍ତେଜନା)କୁ ହ୍ରାସ କରିବା, ନୋଚେତ୍ ସବୁକିଛି ବିଗିଡ଼ିଯିବ । ଦେଶରେ ଦୁଇ ପ୍ରକାରର ସରକାର ଚାଲିଛି, ଗୋଟିଏ ହେଉଛି ଲୋକଙ୍କ ସ୍ବରକୁ ଦମନ କରିବା ଓ ଅନ୍ୟଟି ହେଉଛି ଲୋକଙ୍କ ସ୍ବରକୁ ଶୁଣିବା । ଗୋଟିଏ ଦେଶର ପ୍ରଧାନମନ୍ତ୍ରୀ ଲୋକମାନଙ୍କ କଥା ଶୁଣନ୍ତି, କିନ୍ତୁ ଆମ ଦେଶର ପ୍ରଧାନମନ୍ତ୍ରୀ ଲୋକଙ୍କ କଥା ଶୁଣନ୍ତି ନାହିଁ ।
ରାହୁଲଙ୍କ ଏହି ବୟାନକୁ ବିଜେପି ବିରୋଧ କରିଛି । ଦଳ ପକ୍ଷରୁ କୁହାଯାଇଛି ଯେ, ରାହୁଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତି ଥିବା ନିଜର ଘୃଣା ଯୋଗୁଁ ଦେଶକୁ ବି ଘୃଣା କରିବା ଆରମ୍ଭ କରିଦେଲେଣି ।
ଏହି ସମ୍ମିଳନୀରେ କଂଗ୍ରେସ ନେତା ସଲମାନ ଖୁର୍ସିଦ, ଆରଜେ଼ଡି ନେତା ଜେତସ୍ବୀ ଯାଦବ ଓ ମନୋଜ ଝା ଓ ଟିଏମସି ନେତ୍ରୀ ମହୁଆ ମୈତ୍ର ଯୋଗ ଦେଇଥିଲେ ।