ଆରପାରିରେ ଭାରତୀୟ କ୍ରିକେଟର ଭୁବନେଶ୍ୱର କୁମାରଙ୍କ ବାପା, ଯକୃତ କର୍କଟ ରୋଗରେ ଥିଲେ ପୀଡିତ
ନୂଆଦିଲ୍ଲୀ: ଭାରତୀୟ ଷ୍ଟାର ବୋଲର ଭୁବନେଶ୍ୱର କୁମାରଙ୍କ ପିତା କିରଣ ପାଲ ସିଂହଙ୍କର ଦେହାନ୍ତ ହୋଇଛି । ଦୀର୍ଘ ୮ମାସ ହେଲା ସେ ଯକୃତ କର୍କଟ ରୋଗରେ ପୀଡିତ ଥିଲେ | ଦୀର୍ଘ ଦିନର ଅସୁସ୍ଥତା ପରେ ଆଜି ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ୬୩ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିବା ଜଣାପଡିଛି। ଭୁବନେଶ୍ୱର କୁମାର କିଛିଦିନ ହେବ ଘରେ ରହି ତାଙ୍କ ପିତାଙ୍କର ସେବା କରୁଥିଲେ । କିରଣ ପାଲ ସିଂହଙ୍କ ମୃତ୍ୟୁରେ ତାଙ୍କ ପରିବାରରେ ଶୋକର ଛାୟ ଖେଳି ଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅସୁସ୍ଥ ଥିବାରୁ ଦିଲ୍ଲୀର ଏମ୍ସରେ ଚିକିତ୍ସିତ ହୋଇ କିଛିଦିନ ହେବ ଘରକୁ ଫେରିଥିଲେ କିରଣ ପାଲ ସିଂହ। ଗଙ୍ଗାନଗର ସି ମାର୍କେଟ ଘରେ ତାଙ୍କର ଚିକିତ୍ସା ଚାଲୁଥିବା ବେଳେ ଆଜି ତାଙ୍କର ଦେହାନ୍ତ ହୋଇଛି । ଭୁବନେଶ୍ୱର କୁମାରଙ୍କ ପିତା ପୁଲିସ ବିଭାଗରେ ଚାକିରି କରୁଥିଲେ । ଅସୁସ୍ଥତା ଯୋଗୁଁ ସେ ସ୍ବେଚ୍ଛାକୃତ ଅବସର ନେଇଥିଲେ ।
ଭୁବନେଶ୍ୱର କୁମାରଙ୍କ ପିତା କିରଣ ପାଲ ସିଂହଙ୍କର ଚିକିତ୍ସା ଇଂଲଣ୍ଡର ଜଣେ ଡାକ୍ତରଙ୍କ ପରାମର୍ଶରେ କରାଯାଉଥିଲା । ଏତେ ଗମ୍ଭୀର ରୋଗରେ ପୀଡିତ ଥାଇ ବି ସେ ଆଇସିସି ପ୍ଲେୟାର ଅଫ୍ ଦି ମନ୍ଥ ପାଇଁ ଭୁବନେଶ୍ୱର କୁମାରଙ୍କୁ ଭୋଟ ଦେବାକୁ ଲୋକମାନଙ୍କୁ ଅପିଲ କରିଥିଲେ । ଭୁବନେଶ୍ୱର କୁମାର ଆଇସିସି ପ୍ଲେୟାର ଅଫ୍ ଦି ମନ୍ଥ ନିର୍ବାଚିତ ହେବା ପରେ ସେ ବହୁତ ଖୁସି ହୋଇଥିଲେ ।