“ଟ୍ରଷ୍ଟ ଇନ୍ ନ୍ୟୁଜ୍” ରେ ୪୬ ମିଡିଆ ମାର୍କେଟ ମଧ୍ୟରୁ ୩୧ସ୍ଥାନରେ ଭାରତ: ରଏଟର୍ସ ଇନଷ୍ଟିଚ୍ୟୁଟ୍ ସର୍ଭେ
ନୂଆଦିଲ୍ଲୀ: “ଟ୍ରଷ୍ଟ ଇନ୍ ନ୍ୟୁଜ୍” ରେ ୪୬ ମିଡିଆ ମାର୍କେଟ ମଧ୍ୟରୁ ୩୧ସ୍ଥାନରେ ଭାରତ | ରଏଟର୍ସ କରିଥିବା ସର୍ଭେରୁ ଏହି ତଥ୍ୟ ସାମ୍ନାକୁ ଆସିଛି | ବୁଧବାର ଦିନ ପ୍ରକାଶିତ ରଏଟର୍ସ ଇନଷ୍ଟିଚ୍ୟୁଟ୍ ଫର ଷ୍ଟଡି ଅଫ୍ ଜର୍ଣ୍ଣାଲିଜିମ୍ (ଆରଆଇଏସ ଜେ) ର ଡିଜିଟାଲ୍ ନ୍ୟୁଜ୍ ରିପୋର୍ଟ ୨୦୨୧ର ଦଶମ ସଂସ୍କରଣରେ ଏହା ଲେଖାଯାଇଛି | ସବୁଠାରୁ ବଡ କଥା ହେଲା ଆମେରିକାକୁ ପଛରେ ପକାଇ ଆଗରେ ରହିଛି ଭାରତ | ଭାରତରେ ଲୋକଙ୍କର ଖବର ଉପରେ ବିଶ୍ୱାସ କେତେ ତାହା ଏଥିରୁ ଜଣାପଡ଼ିଛି |
Sambad is now on WhatsApp
Join and get latest news updates delivered to you via WhatsApp
ଭାରତରେ ମୁଖ୍ୟତଃ ଇଂରାଜୀ ଭାଷାଭାଷୀ, ଅନଲାଇନ୍ ନ୍ୟୁଜ୍ ବ୍ୟବହାରକାରୀଙ୍କୁ ନେଇ ହୋଇଥିବା ଏକ ସର୍ଭେ ଉପରେ ଆଧାର କରି ଏହି ତଥ୍ୟ ଦିଆଯାଇଛି | ଏହି ସର୍ଭେ କେବଳ କିଛି ଭାରତୀୟମାନଙ୍କୁ ନେଇ କରାଯାଇଛି ଏବଂ ଏଥିରୁ ସମସ୍ତ ଭାରତବାସୀ ଏଭଳି ଭାବନ୍ତି ବୋଲି ବିବେଚନା କରାଯାଇପାରିବ ନାହିଁ |
ଏହି ଅଧ୍ୟୟନରୁ ଜଣାପଡିଛି ଯେ, ଭାରତରେ ୭୩ ପ୍ରତିଶତ ଲୋକେ ଖବର ପାଇବା ପାଇଁ ସ୍ମାର୍ଟଫୋନ ବ୍ୟବହାର କରନ୍ତି | ସୋସିଆଲ ମିଡିଆକୁ ଅନ୍ତର୍ଭୁକ୍ତ କରି ୮୨ ପ୍ରତିଶତ ଲୋକେ ଅନଲାଇନରୁ ଖବର ପାଆନ୍ତି | ଏହା ସହ ୬୩ ପ୍ରତିଶତ କେବଳ ହ୍ଵାଟ୍ସଆପ ଏବଂ ୟୁଟ୍ୟୁବ୍ ପରି ସୋସିଆଲ୍ ମିଡିଆ ପ୍ଲାଟଫର୍ମରୁ ସୂଚନା ହାସଲ କରୁଛନ୍ତି | ଟାଇମ୍ସ ଅଫ୍ ଇଣ୍ଡିଆ, ଦ ହିନ୍ଦୁ ଏବଂ ସରକାରୀ ପ୍ରସାରଣକାରୀ; ଡିଡି ନ୍ୟୁଜ୍ ଏବଂ ଅଲ୍ ଇଣ୍ଡିଆ ରେଡିଓ ପରି ପୁରୁଣା ପ୍ରିଣ୍ଟ ବ୍ରାଣ୍ଡଗୁଡ଼ିକ ଗ୍ରାହକଙ୍କ ମଧ୍ୟରେ ଉଚ୍ଚ ସ୍ତରର ବିଶ୍ୱାସ ବଜାୟ ରଖିଛନ୍ତି।