ସୀମା ପ୍ରସଙ୍ଗରେ ସଂପର୍କରେ ନେପାଳର ନିଷ୍ପତ୍ତି ଯଥାର୍ଥ ନୁହେଁ : ଭାରତ
ନୂଆଦିଲ୍ଲୀ : ନେପାଳ ସଂସଦରେ ମାନଚିତ୍ର ସଂଶୋଧନ ଲାଗି ସମ୍ବିଧାନ ସଂଶୋଧନ ବିଲ ଗୃହୀତ ହେବା ପରେ ତାହାକୁ ତୀବ୍ର ସମାଲୋଚନା କରିଛି ଭାରତ । ନେପାଳର ଏହି ପଦକ୍ଷେପ ଯଥାର୍ଥ ନୁହେଁ ବୋଲି ଭାରତ କହିଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ବୈଦେଶିକ ମନ୍ତ୍ରାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଯେ ନେପାଳ ସଂସଦରେ ଏହି ବିଲ ଗୃହୀତ ହେବା ସଂପର୍କରେ ସରକାର ଅବଗତ ଅଛନ୍ତି । ଏହି ପ୍ରସଙ୍ଗରେ ଭାରତ ପୂର୍ବରୁ ହିଁ ନିଜର ସ୍ଥିତି ସ୍ପଷ୍ଟ କରିସାରିଛି ।
ନିଜର ଭୌଗୋଳିକ ସୀମାକୁ ଏପରି ଭାବେ ବଢାଇବା କୌଣସି ଐତିହାସିକ ତଥ୍ୟ ପ୍ରମାଣ ଉପରେ ପର୍ଯ୍ୟବେଶିତ ନୁହେଁ ବୋଲି ସେ କହିଛନ୍ତି । ଏହା ଦ୍ୱାରା ଆଲୋଚନା ମାଧ୍ୟମରେ ସୀମାବିବାଦର ସମାଧାନର ବାଟ କଷ୍ଟକର ହୋଇପଡ଼ିଛି ।
ସୂଚନାଯୋଗ୍ୟ ଯେ ଭାରତର ତୀବ୍ର ବିରୋଧ ସତ୍ତ୍ୱେ ନେପାଳ ସଂସଦରେ ସଂଶୋଧିତ ମାନଚିତ୍ର ବିଲ ଗୃହୀତ ହୋଇଯାଇଛି । ସଂଶୋଧିତ ମାନଚିତ୍ରରେ ଭାରତୀୟ ଅଞ୍ଚଳ କାଲାପାନି, ଲିପୁଲେଖ ଓ ଲିମ୍ପିଆଧୁରାକୁ ନେପାଳର ଅଞ୍ଚଳଭାବେ ସାମିଲ କରାଯାଇଛି । ଶାସକ କମ୍ୟୁନିଷ୍ଟ ପାର୍ଟି ବ୍ୟତୀତ ବିଲକୁ ନେପାଳର ବିରୋଧୀ ଦଳ ନେପାଳି କଂଗ୍ରେସ, ରାଷ୍ଟ୍ରୀୟ ଜନତା ପାର୍ଟି ନେପାଳ, ରାଷ୍ଟ୍ରୀୟ ପ୍ରଜାତନ୍ତ୍ର ପାର୍ଟି ସମର୍ଥନ କରିଥିଲେ । ଫଳରେ ୨୫୮ ସଦସ୍ୟ ବିଶିଷ୍ଟ ନେପାଳ ହାଉସ ଅଫ ରିପ୍ରେଜେଣ୍ଟିଭର ସବୁ ସଦସ୍ୟ ଏହାକୁ ସମର୍ଥନ କରିଥିଲେ ।