ନୂଆଦିଲ୍ଲୀ : ବିଶ୍ବର ବିଭିନ୍ନ ଦେଶର ଅନୁରୋଧ କ୍ରମେ ଭାରତ ସରକାର ଗହମ ରପ୍ତାନି କଟକଣାକୁ କିଛିଟା କୋହଳ କରିଛନ୍ତି । ଦେଶରୁ ପ୍ରାୟ ସାଢେ ୪ ଲକ୍ଷ ଟନ ଗହମ ରପ୍ତାନିକୁ କେନ୍ଦ୍ର ସରକାର ଗୁରୁବାରଦିନ ଅନୁମତି ଦେଇଛନ୍ତି । ଏସବୁ ଗହମ ବାଂଲାଦେଶ, ଫିଲିପାଇନ୍ସ, ମାଲେସିଆ ଓ ତାଞ୍ଜାନିଆକୁ ରପ୍ତାନି କରାଯିବ ।
Sambad is now on WhatsApp
Join and get latest news updates delivered to you via WhatsApp
ଭାରତ ପ୍ରାୟ ୧୫ ଲକ୍ଷ ଟନ ଗହମ ରପ୍ତାନି କରୁ ବୋଲି ଗତ ସପ୍ତାହରେ ବାଂଲାଦେଶ,ଇଜିପ୍ଟ ପ୍ରଭୃତି ୬ଟି ଦେଶ ଅନୁରୋଧ କରିଥିଲେ । ଗୋଟିଏ ପଟେ ବିଶ୍ବରେ ଗହମ ଅଭାବ ଦେଖାଦେଇଥିବାବେଳେ ଭାରତରେ ଲକ୍ଷ ଲକ୍ଷ ଟନ ଗହମ ପଡ଼ି ପଡ଼ି ଖରାପ ହେବାକୁ ବସିଲାଣି । ଅନ୍ୟପକ୍ଷରେ ଦେଶର ବିଭିନ୍ନ ବନ୍ଦରରେ ପ୍ରାୟ ୧୭ ଲକ୍ଷ ଟନ ଗହମ ଖୋଲା ଆକାଶ ତଳେ ପଡ଼ିରହିଛି । ଆଗକୁ ବର୍ଷାଋତୁ ଆସୁଥିବାରୁ ଏଗୁଡ଼ିକ ନଷ୍ଟ ହେବାର ଆଶଙ୍କା ରହିଛି ।
ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ବିଶ୍ବରେ ଗହମର ଅଭାବ ଦେଖାଦେଇଛି । ତେବେ ଉତ୍ପାଦନ କମିବା ଯୋଗୁଁ ଏବର୍ଷ ଭାରତ ଗହମ ରପ୍ତାନି ବନ୍ଦ କରିଦେଇଛି । ଦେଶରେ ଗହମର ଦରବୃଦ୍ଧିକୁ ରୋକିବାକୁ ଓ ଉପଲବ୍ଧତା ନିଶ୍ଚିତ କରିବାକୁ ସରକାର ଏହି ପଦକ୍ଷେପ ନେଇଛନ୍ତି । ତେବେ ଜି-୭ ଦେଶ ସମେତ ବିଶ୍ବର କେତେକ ପ୍ରମୁଖ ଦେଶ ରପ୍ତାନି କଟକଣା ଉଠାଇବାକୁ ଭାରତକୁ ଅନୁରୋଧ କରିଛନ୍ତି ।