ଜଣେ ଦୁଇଜଣଙ୍କ ଦାୟିତ୍ବହୀନ ବୟାନ ପାଇଁ ୫ ହଜାର ବର୍ଷର ସଭ୍ୟତା କାହାରିକୁ କ୍ଷମା ମାଗିବା ଉଚିତ ନୁହେଁ : କେରଳ ରାଜ୍ୟପାଳ
ତିରୁଅନନ୍ତପୁରମ : ନୂପୁର ଶର୍ମା ବିବାଦୀୟ ବୟାନ ପ୍ରସଙ୍ଗରେ ନିଜର ମତ ରଖିଛନ୍ତି କେରଳ ରାଜ୍ୟପାଳ ଆରିଫ ମହମ୍ମଦ ଖାଁ । ସେ କହିଛନ୍ତି ଯେ ଭାରତୀୟ ସଂସ୍କୃତି ସହନଶୀଳତା ଓ ବିବିଧତା ଉପରେ ପର୍ଯ୍ୟବେଶିତ । ଜଣେ ଦୁଇଜଣ ବ୍ୟକ୍ତିଙ୍କ ଦାୟିତ୍ବହୀନ ବୟାନ ପାଇଁ ୫ ହଜାର ବର୍ଷର ସଭ୍ୟତା କାହାରିକୁ କ୍ଷମା ମାଗିବା ଉଚିତ ନୁହେଁ । ଆମେ ଆମର ସଭ୍ୟତା ଓ ପରମ୍ପରା ପ୍ରତି ବିଶ୍ବସ୍ତ ରହିବା ଉଚିତ, ବାହାରୁ କିଏ ଆମ ଉପରେ କଣ ମନ୍ତବ୍ୟ ଦେଲା ତାହାକୁ ନେଇ ଚିନ୍ତିତ ହେବା ଉଚିତ ନୁହେଁ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଏକ ଟେଲିଭିଜନ ବିତର୍କ ବେଳେ ବିଜେପିର ପୂର୍ବତନ ମୁଖପାତ୍ର ଇସଲାମ ବିରୋଧୀ ମନ୍ତବ୍ୟ ଦେବାପରେ ତାହାକୁ ନେଇ ଏକ ବଡ଼ ଧରଣର ବିବାଦ ସୃଷ୍ଟି ହୋଇଛି । ବିଶ୍ବର ଅଧିକାଂଶ ଦେଶ ଏହାକୁ ନିନ୍ଦା କରିଛନ୍ତି । ଏହା ପରେ ଗତ ରବିବାରଦିନ ବିଜେପି ପକ୍ଷରୁ ଦୁଇ ମୁଖପାତ୍ର ନୂପୁର ଶର୍ମା ଓ ନବୀନ ଜିନ୍ଦଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ନୂପୁରଙ୍କୁ ନିଲମ୍ବିତ କରାଯିବା ସହ ନବୀନଙ୍କୁ ବହିଷ୍କାର କରାଯାଇଥିଲା । ଏହା ସତ୍ତ୍ବେ ବିଶ୍ବର ମୁସଲିମ ଦେଶମାନେ ଏହାକୁ ନିନ୍ଦା କରିଚାଲିଛନ୍ତି ଓ ଏହି ପ୍ରସଙ୍ଗରେ ଭାରତ ସରକାର କ୍ଷମା ମାଗନ୍ତୁ ବୋଲି ଦାବି କରୁଛନ୍ତି ।
କିନ୍ତୁ ନୂପୁର ଓ ନବୀନ ଦେଇଥିବା ମନ୍ତବ୍ୟ ଭାରତ ସରକାରଙ୍କ ମତ ନୁହେଁ ବୋଲି ଭାରତ ସରକାର ସ୍ପଷ୍ଟ କରିଦେଇଛନ୍ତି ।