ସଫଳତାର ସହ ଆଣ୍ଟି ଟ୍ୟାଙ୍କ ଗାଇଡେଡ୍ ମିସାଇଲ୍ 'ନାଗ'ର ପରୀକ୍ଷଣ ଶେଷ କଲା ଭାରତ

ନୂଆଦିଲ୍ଲୀ: ଗୁରୁବାର ଦିନ ଭାରତ ସଫଳତାର ସହ ଆଣ୍ଟି ଟ୍ୟାଙ୍କ ଗାଇଡେଡ୍ ମିସାଇଲ୍ 'ନାଗ'ର ପରୀକ୍ଷଣ ଶେଷ କରିଛି। ଏହି କ୍ଷେପଣାସ୍ତ୍ର ଶୀଘ୍ର ଭାରତୀୟ ସେନାରେ ସାମିଲ ହେବ। ୨୦୦୮ରେ ପ୍ରତିରକ୍ଷା ମନ୍ତ୍ରାଳୟ ସେନା ପାଇଁ ୩୦୦ନାଗ କ୍ଷେପଣାସ୍ତ୍ର ଏବଂ ୨୫ଟି କ୍ଷେପଣାସ୍ତ୍ର ବାହକ କ୍ରୟକୁ ଅନୁମୋଦନ କରିଥିଲା। ଡିଆରଡିଓ କହିଛି ଯେ, ରାଜସ୍ଥାନର ପୋଖରାନ୍ ଫିଲ୍ଡ ଫାୟାରିଂ ରେଞ୍ଜରେ ସକାଳ ୬.୪୫ରେ ଏହି ପରୀକ୍ଷା କରାଯାଇଥିଲା।

ଏହି କ୍ଷେପଣାସ୍ତ୍ରଟି ପ୍ରକୃତ ୱାରହେଡ୍ ସହିତ ମିଶାଇ ରଖାଯାଇଥିଲା ଏବଂ ଏକ ଟ୍ୟାଙ୍କକୁ ଲକ୍ଷ୍ୟ ନିର୍ଦ୍ଧାରିତ ସୀମା ମଧ୍ୟରେ ରଖାଯାଇଥିଲା | ନାଗ ମିସାଇଲ୍ କ୍ୟାରିଅର୍ ନାମିକା ଠାରୁ ଏହା ଲଞ୍ଚ କରାଯାଇଥିଲା | ଏହି କ୍ଷେପଣାସ୍ତ୍ର ଲକ୍ଷ୍ୟସ୍ଥଳକୁ ସଠିକ୍ ଭାବରେ ଭେଦ କରିପାରିଥିବା ଜଣା ପଡ଼ିଛି | ଦିନରାତି ଶକ୍ତିଶାଳୀ ଶତ୍ରୁର ଆକ୍ରମଣକୁ ଜବାବ ଦେବା ପାଇଁ ଡିଆରଡିଓ ଦ୍ୱାରା ଆଣ୍ଟି-ଟ୍ୟାଙ୍କ ଗାଇଡେଡ଼ ମିସାଇଲ୍ ବିକଶିତ ହୋଇଛି | ନାଗ ମିସାଇଲର ବିଶେଷତ୍ବ ହେଉଛି ଏହା ଅତି କମରେ ୫୦୦ ମିଟରରୁ ଆରମ୍ଭ କରି ୪ କିଲୋମିଟର ଦୂରରେ ଥିବା ଶତ୍ରୁପକ୍ଷର ଟ୍ୟାଙ୍କକୁ ଧ୍ବଂସ କରିପାରିବ । ଏହା ଯେକୌଣସି ପାଣିପାଗରେ ଓ ରାତିରେ ମଧ୍ୟ ନିଜର ଟାର୍ଗେଟକୁ ଧ୍ବଂସ କରିପାରିବାର କ୍ଷମତା ରଖିଛି ବୋଲି ଡିଆରଡିଓ କହିଛି ।

‘ଥାର୍ଡ ଜେନେରେସନ୍’ର ଫାୟାର୍-ଆଣ୍ଡ୍-ଫର୍ଗେଟ୍ ‘ଏଟିଜିଏମ୍’କୁ ବିକଶିତ କରିଛନ୍ତି ଭାରତୀୟ ପ୍ରତିରକ୍ଷା ଗବେଷଣା ସଂସ୍ଥା (ଡିଆରଡି)। ଏହି ପରୀକ୍ଷା ସହ ତା’ର ବିକାଶମୂଳକ ପରୀକ୍ଷା ସଂପୂର୍ଣ୍ଣ ହୋଇଛି। ଏବେ ଏହା ସେନାବାହିନୀରେ ସାମିଲ ହେବା ପାଇଁ ପ୍ରସ୍ତୁତ ହୋଇ ଯାଇଥିବା  ଜଣାପଡିଛି ।