ରୁଷଠାରୁ ଆହୁରି ଶସ୍ତାରେ ତେଲ କିଣିବାକୁ ଚାହୁଁଛି ଭାରତ
ନୂଆଦିଲ୍ଲୀ : ରୁଷଠାରୁ ତେଲ କିଣୁଥିବାରୁ ଭାରତକୁ ଆମେରିକା ଓ ୟୁରୋପୀୟ ଦେଶମାନେ ସମାଲୋଚନା କରୁଥିଲେ ବି ଭାରତ ତାହାର ଭୂକ୍ଷେପ କରୁନାହିଁ । କାରଣ ରୁଷ ରିହାତି ଦରରେ ତେଲ ବିକୁଥିବାରୁ ସେହି ଆମେରିକା ଓ ୟୁରୋପୀୟ ଦେଶମାନେ ରଷଠାରୁ ପ୍ରଚୁର ପରିମାଣରେ ତେଲ କିଣୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅନ୍ତର୍ଜାତୀୟ ବଜାରରେ ଅଶୋଧିତ ତେଲ ଦର ବ୍ୟାରେଲ ପିଛା ଏବେ ୧୦୮ ଡଲାର ଥିବାବେଳେ ଭାରତକୁ ରୁଷ ବ୍ୟାରେଲ ପିଛା ୭୦ ଡଲାରରେ ତେଲ ଯୋଗାଉଛି । କିନ୍ତୁ ରୁଷ ଉପରେ ଏବେ ପ୍ରବଳ ଅନ୍ତର୍ଜାତୀୟ ଚାପ ଥିବାରୁ ଭାରତ ରୁଷଠାରୁ ଆହୁରି ଶସ୍ତାରେ ତେଲ କିଣିବାକୁ ଉଦ୍ୟମ କରୁଛି । ତେଲ ଉପରେ ଆହୁରି ରିହାତି ଦେବାକୁ ଭାରତ ରୁଷ ନିକଟରେ ଦାବି କରିଛି । ଏ ନେଇ ଦୁଇ ଦେଶ ମଧ୍ୟରେ ଏକ ଉଚ୍ଚସ୍ତରୀୟ କଥାବାର୍ତ୍ତା ଚାଲିଛି।
ୟୁକ୍ରେନ ଉପରେ ରୁଷର ଆକ୍ରମଣ ଆରମ୍ଭ ହେବା ପରେ ଆମେରିକା ଓ ଅନ୍ୟ ପାଶ୍ଚାତ୍ୟ ଦେଶମାନେ ରୁଷ ଉପରେ କଟକଣା ଲଗାଇଛନ୍ତି । ତେବେ କଟକଣା ତାଲିକାରେ ତେଲ ନାହିଁ । ଏହାର ସୁଯୋଗ ନେଇ ଭାରତ ରୁଷରୁ ତେଲ ଆମଦାନୀ ବଢାଇଦେଇଛି । ଯୁଦ୍ଧ ଆରମ୍ଭ ହେବାପରଠାରୁ ଏବେ ସୁଦ୍ଧା ଭାରତୀୟ କମ୍ପାନିମାନେ ରୁଷରୁ ପ୍ରାୟ ୪୦ ନିୟୁତ ବ୍ୟାରେଲ ତେଲ ଆମଦାନୀ କରିସାରିଲେଣି । କିନ୍ତୁ ରୁଷରୁ ତେଲ କ୍ରୟ ବନ୍ଦ ପାଇଁ ଭାରତ ଉପରେ ଚାପ ବଢିବାରେ ଲାଗିଛି।