ଭାରତର ଜଳଅସ୍ତ୍ର ! ପାକିସ୍ତାନକୁ ବଳକା ପାଣି ବନ୍ଦ କରିବ

ନୂଆଦିଲ୍ଲୀ : ପାକିସ୍ତାନକୁ ପାଣି ବନ୍ଦ କରିବାକୁ ପ୍ରସ୍ତୁତ ହେଉଛି ଭାରତ । ସିନ୍ଧୁ ଜଳବଣ୍ଟନ ଚୁକ୍ତି ଅନୁସାରେ ଭାରତ ନିଜ ଭାଗରେ ପଡୁଥିବା ପାଣିକୁ ମଧ୍ୟ ପାକିସ୍ତାନକୁ ଦେଉଥିଲା । କିନ୍ତୁ ଏବେ ଭାରତ ପାକିସ୍ତାନକୁ ବଳକା ଜଳ ବନ୍ଦ କରିବାକୁ ଯାଉଛି । କେନ୍ଦ୍ର ଜଳଶକ୍ତି ମନ୍ତ୍ରୀ ଗଜେନ୍ଦ୍ର ସିଂ ଶେଖାଓ୍ଵତ କହିଛନ୍ତି ଯେ ସିନ୍ଧୁ ଚୁକ୍ତି ଅନୁସାରେ ଯେତେ ପାଣି ପାକିସ୍ତାନ ପାଇବା କଥା ତାଠାରୁ ଅଧିକ ପାଉଛି । ଏଣୁ ସେହି ପାଣିକୁ ଅଟକାଇ ଭାରତର ଅନ୍ୟ ଅଂଚଳକୁ ପଠାଇବାକୁ ଯୋଜନା କରାଯାଉଛି ।

 

#WATCH Union Jal Shakti Minister Gajendra S Shekhawat: Beyond the Indus Water Treaty a large part of India’s share of water goes to Pakistan.We’re working on priority to work out how our share of water that flows to Pak can be diverted, for use by our farmers, industries,&people. pic.twitter.com/4pnfgASUgq

— ANI (@ANI) August 21, 2019

ସୂଚନାଯୋଗ୍ୟ ଯେ ତିବ୍ଦତ ଓ ହିମାଳୟରୁ ବାହାରି ଥିବା ୬ଟି ନଦୀ ଭାରତ ବାଟଦେଇ ପାକିସ୍ତାନକୁ ଯାଉଛନ୍ତି ସେଗୁଡ଼ିକ ହେଲେ ସିନ୍ଧୁ, ରବି, ଚେନାବ,ଝେଲମ, ସତଲେଜ ଓ ବ୍ୟାସ । ୧୯୬୦ର ସିନ୍ଧୁ ନଦୀ ଜଳବଣ୍ଟନ ଚୁକ୍ତି ଅନୁସାରେ ବ୍ୟାସ, ସତଲେଜ ଓ ରବି ଭାରତ ନିୟନ୍ତ୍ରଣରେ ରହିଥିବାବେଳେ ଅନ୍ୟତିନୋଟି ନଦୀ ପାକିସ୍ତାନ ନିୟନ୍ତ୍ରଣରେ ଅଛି । ଏହି ନଦୀଗୁଡ଼ିକ ପାକିସ୍ତାନର ସ୍ଥିତି ପାଇଁ ବେଶ ଗୁରୁତ୍ୱପୂର୍ଣ୍ଣ । ଏହି ନଦୀର ପାଣି ନପହଞ୍ଚିଲେ ପାକିସ୍ତାନର ଅଧା ଅଞ୍ଚଳ ଜଳବିନା ମରୁଭୂମି ପାଲଟିବ । ତେବେ ଏହି ଚୁକ୍ତି ଅନୁସାର ଭାରତ ଭାଗରେ ଯେତିକି ପାଣି ଆସିଥିଲା ତାହାକୁ ମଧ୍ୟ ପାକିସ୍ତାନକୁ ଛାଡିହେବାକୁ ସେତେବେଳେ ତତ୍‌କାଳୀନ ପ୍ରଧାନମନ୍ତ୍ରୀ ନେହେରୁ ଅନୁମତି ଦେଇଥିଲେ । କିନ୍ତୁ ଭାରତର ଏଭଳି ଉଦାରତା ସତ୍ତ୍ୱେ ପାକିସ୍ତାନ ସବୁବେଳେ ଭାରତ ସହ ଶତ୍ରୁତା ଆଚରଣ କରୁଥିବାରୁ କେନ୍ଦ୍ରର ମୋଦି ସରକାର ୨୦୧୬ରେ ଏହି ଚୁକ୍ତିର ସମୀକ୍ଷା କରିବା ଲାଗି ସଂକେତ ଦେଇଥିଲେ ।