ଅକ୍ଟୋବର ସୁଦ୍ଧା ଭାରତରେ ଉପଲବ୍ଧ ହେବ ଆଉ ୫ଟି କରୋନା ଟିକା
ନୂଆଦିଲ୍ଲୀ : ଭାରତରେ ଏବେ ଦୁଇ ପ୍ରକାରର ଟିକା- କୋଭାକ୍ସିନ ଓ କୋଭିସିଲ୍ଡ ଦିଆଯାଉଛି । ତେବେ ଆସନ୍ତା ଅକ୍ଟୋବର ସୁଦ୍ଧା ଭାରତରେ ଆଉ ୫ଟି କରୋନା ଟିକା ଉପଲବ୍ଧ ଥିବ ବୋଲି ଗଣମାଧ୍ୟମ ରିପୋର୍ଟରୁ ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସରକାରୀ ସୁତ୍ରକୁ ଉଦ୍ଧାର କରି ଏକ ସମ୍ବାଦ ସରବରାହ ସଂସ୍ଥା କହିଛି ଯେ ଆସନ୍ତା ଅକ୍ଟୋବର ସୁଦ୍ଧା ଭାରତରେ ଆଉ ୫ ପ୍ରକାରର ଟିକା ଉପଲବ୍ଧ ଥିବ । ସେଗୁଡ଼ିକ ହେଉଛି ଋଷିଆର ସ୍ପୁଟନିକ ଟିକା, ଜନସନ ଏଣ୍ଡ ଜନସନର ଜେନିସିନ ଟିକା, ନୋଭାଭାକ୍ସ, ଜାଇଡସ କାର୍ଡିଲାର ଜାଇକୋଭ-ଡି ଓ ଭାରତ ବାୟୋଟେକର ଇଣ୍ଟ୍ରାନାଜାଲ ଭାକ୍ସିନ (ନାକରେ ଦିଆଯାଉଥିବା ଟିକା) ।
ଆସନ୍ତା ୧୦ ଦିନ ମଧ୍ୟରେ ସ୍ପୁଟନିକ ଟିକାକୁ ଅନୁମତି ମିଳିବାର ସମ୍ଭାବନା ରହିଛି । ଏହି ଟିକା ଉତ୍ପାଦନ ପାଇଁ ଡ. ରେଡ୍ଡିଜ୍ ଲାବ ଲାଇସେନ୍ସ ହାସଲ କରିଛି ।
ସେହିପରି ନିକଟରେ ଭାରତୀୟ ଔଷଧ ମହା ନିୟନ୍ତ୍ରକ (ଡିସିଜିଆଇ) ପକ୍ଷରୁ ଜାନସିନ ଟିକାର ଫେଜ୍-୧ ଓ ଫେଜ-୨ ପରୀକ୍ଷଣ ପାଇଁ ଅନୁମତି ଦିଆଯାଇଛି । ଏହି ଟିକାକୁ ପୂର୍ବରୁ ଆମେରିକୀୟ ଔଷଧ ନିୟନ୍ତ୍ରକ ୟୁଏସଏଫଡିଏ ଅନୁମତି ଦେଇଥିବାରୁ ଭାରତରେ ଏହାର ଏକ ବ୍ରିଜିଂ ଟ୍ରାଏଲ ଅର୍ଥାତ ସୀମିତ ସଂଖ୍ୟକ ଲୋକଙ୍କୁ ନେଇ ପରୀକ୍ଷଣ କରାଯିବ । ଏଣୁ ଖୁବ ଶୀଘ୍ର ଏହି ଟିକାକୁ ଅନୁମତି ମିଳିବାର ସମ୍ଭାବନା ରହିଛି । ସେହିପରି ଅନ୍ୟ ଟିକାଗୁଡ଼ିକୁ ମଧ୍ୟ ପର୍ଯ୍ୟାୟକ୍ରମେ ଅନୁମତି ମିଳିବ ।