ଡ୍ରୋନ୍ ଆକ୍ରମଣ ଉପରେ ସିଡିଏସ ରାୱତଙ୍କ ବୟାନ; ନିଜେ ସ୍ଥିର କରିଥିବା ସମୟ ଏବଂ ସ୍ଥାନରେ ଜବାବ ଦେବ ଭାରତ
ନୂଆଦିଲ୍ଲୀ: ଯଦି ଭାରତୀୟ ନାଗରିକ କିମ୍ବା ସାମରିକ ସମ୍ପତ୍ତିକୁ ଟାର୍ଗେଟ କରିବାକୁ ପାକିସ୍ତାନ ଡ୍ରୋନ୍ ବ୍ୟବହାର କରିବାକୁ ଚେଷ୍ଟା କରେ କିମ୍ବା ହାଇବ୍ରିଡ୍ ଯୁଦ୍ଧ କରିବାକୁ ପାକିସ୍ତାନ ଚେଷ୍ଟା କରେ ତେବେ ଭାରତ ଠିକ ସମୟ ଏବଂ ଠିକ ସ୍ଥାନରେ ଦୃଢ ପ୍ରତିଶୋଧ ନେବ | ଜମ୍ମୁ ଏୟାରବେଶରେ ଆକ୍ରମଣ ହେବା ପରେ ଏଭଳି ଚେତାଇଛନ୍ତି ପ୍ରତିରକ୍ଷା କର୍ମଚାରୀଙ୍କ ମୁଖ୍ୟ(ସିଡିଏସ) ଜେନେରାଲ୍ ବିପିନ ରାୱତ |
Sambad is now on WhatsApp
Join and get latest news updates delivered to you via WhatsApp
ଜୁନ୍ ୨୭ ରେ ଜମ୍ମୁ ବାୟୁସେନା ଷ୍ଟେସନରେ ହୋଇଥିବା ଆତଙ୍କବାଦୀ ଆକ୍ରମଣରେ ବ୍ୟବହୃତ ହୋଇଥିବା ଛୋଟ ବିସ୍ଫୋରକ ଲୋଡ୍ ଡ୍ରୋନ୍ ପାକିସ୍ତାନରୁ କିମ୍ବା ସେହି ଅଞ୍ଚଳ ଭିତରୁ ଉତକ୍ଷେପଣ କରାଯାଇଛି କି ନାହିଁ ଏବଂ ଏଭଳି କରିବା ପଛର ଉଦ୍ଦେଶ୍ୟ କଣ ରହିଛି ସେ ନେଇ ସନ୍ଧାନ କରାଯାଉଥିବା ସିଡିଏସ ଜେନେରାଲ୍ ବିପିନ ରାୱତ କହିଛନ୍ତି |
ସେ ଆହୁରି ମଧ୍ୟ କହିଛନ୍ତି ଯେ, “ଆମେ ଏପର୍ଯ୍ୟନ୍ତ ସେମାନଙ୍କ ଚରମ ଉଦ୍ଦେଶ୍ୟ ଜାଣିନାହୁଁ। କିନ୍ତୁ ଯଦି ସେମାନେ (ପାକିସ୍ତାନ) ଆମର ସମ୍ପତ୍ତି ନଷ୍ଟ କରିବାକୁ ଚେଷ୍ଟା କରନ୍ତି, ତେବେ ଆମ ସଶସ୍ତ୍ର ବାହିନୀର ପ୍ରତିକ୍ରିୟା ବହୁତ ଭିନ୍ନ ହେବ | ସମସ୍ତ ପରିସ୍ଥିତି ପାଇଁ ଆମର ସଶସ୍ତ୍ର ବାହିନୀ ପ୍ରସ୍ତୁତ ଅଛି ବୋଲି ସେ ଏକ ୱେବିନାରରେ କହିଛନ୍ତି।