ନୂଆଦିଲ୍ଲୀ : ନୀତୀଶ କୁମାରଙ୍କ ବିଦାୟ ବିହାରରେ ଏନଡିଏର ପ୍ରଦର୍ଶନକୁ ପ୍ରଭାବିତ କରିବ ଓ ଲୋକସଭା ନିର୍ବାଚନରେ ଆସନ ସଂଖ୍ୟା କମିବ ବୋଲି ଏକ ସର୍ଭେରୁ ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଇଣ୍ଡିଆଟୁଡେ ପକ୍ଷରୁ କରାଯାଇଥିବା ମୁଡ ଅଫ ଦି ନେସନ ସର୍ଭେରେ କୁହାଯାଇଛି ଯେ, ଦେଶରେ ଏବେ ବି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବେଶ ଲୋକପ୍ରିୟ ଅଛନ୍ତି । ତାଙ୍କ ପ୍ରତିଦ୍ବନ୍ଦିତାରେ କୌଣସି ନେତା ନାହାନ୍ତି । ପ୍ରଧାନମନ୍ତ୍ରୀ ହେବାର ୮ ବର୍ଷ ପରେ ବି ତାଙ୍କ ଲୋକପ୍ରିୟତା ମଳିନ ପଡ଼ିନାହିଁ । ଦେଶରେ ଯଦି ଏବେ ଲୋକସଭା ନିର୍ବାଚନ ହୁଏ, ତେବେ ଏନଡିଏ ସରକାର ଗଢିବ । କିନ୍ତୁ ନୀତୀଶଙ୍କ ବିଦାୟର ପ୍ରଭାବ ଯୋଗୁଁ ଏନଡିଏର ଆସନ ସଂଖ୍ୟା କମିବ ।
ଅଗଷ୍ଟ ୧ ପୂର୍ବରୁ ଯଦି ନିର୍ବାଚନ ହୋଇଥାନ୍ତା ତେବେ ଏନଡିଏ ୩୦୭ଟି ଆସନ ଓ ୟୁପିଏ ୧୨୫ଟି ଆସନ ଓ ଅନ୍ୟମାନେ ୧୧୧ଟି ଆସନ ଜିତିଥାନ୍ତେ । କିନ୍ତୁ ନୀତୀଶଙ୍କ ବିଦାୟ ପରେ, ଏବେ ଯଦି ଲୋକସଭା ନିର୍ବାଚନ ହୁଏ, ତେବେ ଏନଡିଏକୁ ୨୮୬ଟି ଓ ୟୁପିଏକୁ ୧୪୬ଟି ଆସନ ମିଳିବ ।
ଏହି ସର୍ଭେଟି ନୀତୀଶଙ୍କ ବିଦାୟ ପୂର୍ବରୁ କରାଯାଇଥିଲା । କିନ୍ତୁ ନୀତୀଶଙ୍କ ବିଦାୟ ପରେ ପୁଣି ଏକ ସାନି ସର୍ଭେ କରାଯାଇଥିଲା ।
ଗତ ୯ ତାରିଖରେ ନୀତୀଶ ଏନଡିଏ ସହ ମେଣ୍ଟ ଭାଙ୍ଗି ପୁଣି ଥରେ ଆରଜେଡି ସହ ମେଣ୍ଟ କରିଥିଲେ ଓ ୧୦ରେ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ।