କରୋନା ଟୀକା ବାହାର କରିବାକୁ ଭାରତ ଅନ୍ୟ ଦେଶମାନଙ୍କ ସହ ମିଶି ଗବେଷଣା କରୁଛି : ସ୍ୱାସ୍ଥ୍ୟ ମନ୍ତ୍ରାଳୟ
ନୂଆଦିଲ୍ଲୀ : କରୋନା ଭାଇରସର ଟୀକା ବାହାର କରିବାକୁ ଏବେ ଭାରତ ଏବେ ବିଶ୍ୱର ଅନ୍ୟ ପ୍ରମୁଖ ଦେଶମାନଙ୍କ ସହ ମିଶି କାମ କରୁଛି । ଏହା ଏକ ସମୟସାପେକ୍ଷ ପ୍ରକ୍ରିୟା ହୋଇଥିଲେ ମଧ୍ୟ ଏହାକୁ ତ୍ୱରାନ୍ୱିତ କରି ଯଥା ଶୀଘ୍ର ଟୀକାର ବିକାଶ କରିବାକୁ ପଦକ୍ଷେପ ନିଆଯାଉଛି ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ ଅଗ୍ରଓ୍ୱାଲ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ କୋଭିଡ୧୯ର ମୁକାବିଲା କରିବା ପାଇଁ ଭାରତ ଏବେ ରିକମ୍ବିନାଣ୍ଟ ବିସିଜି, କନଭାଲେସେଣ୍ଟ ପ୍ଲାଜମା ଥେରାପୀ, ମନୋକ୍ଲୋନାଲ ଆଣ୍ଟିବଡ଼ି ଆଦି କ୍ଷେତ୍ରରେ କାର୍ଯ୍ୟ କରାଯାଉଛି । ଏହାଛଡ଼ା ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାକୁ କେତେକ ଔଷଧ ଉପରେ ଭାରତରେ ଗବେଷଣା କରାଯାଉଛି । ଦେଶରେ ପ୍ଲାଜମା ଚିକିତ୍ସା ଉପରେ ମଧ୍ୟ କାମ ଚାଲିିଛି ।
ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଟେଷ୍ଟିଂ କିଟର ବିକାଶ କରାଯାଉଛି ବୋଲି ସେ କହିଛନ୍ତି । ମେ ସୁଦ୍ଧା ଭାରତ ସ୍ୱଦେଶୀ ଜ୍ଞାନ କୌଶଳରେ ପ୍ରାୟ ୧୦ ଲକ୍ଷ ଆରଟିପିସିଆର କିଟ ନିର୍ମାଣ କରିବାକୁ ଲକ୍ଷ୍ୟ ରଖିଛି ବୋଲି ସେ କହିଛନ୍ତି । କରୋନା ପାଇଁ ବିସିଜି ଟୀକାର ପ୍ରୟୋଗ ଉପରେ ଆଇସିଏମଆର ଆସନ୍ତା ସପ୍ତାହରୁ ପରୀକ୍ଷା ଆରମ୍ଭ କରିବ । ଆମ ପାଖକୁ ଯଥେଷ୍ଟ ତଥ୍ୟ ନ ଆସିବା ପର୍ଯ୍ୟନ୍ତ କୌଣସି ସ୍ୱାସ୍ଥ୍ୟକର୍ମୀକୁ ଏହାର ପ୍ରୟୋଗ ପାଇଁ ଅନୁମତି ଦିଆଯାଇପାରିବ ନାହିଁବୋଲି ଆଇସିଏମଆରର ବୈଜ୍ଞାନିକ ଆର.ଗଙ୍ଗାଖେଡକର କହିଛନ୍ତି ।