ନୂଆଦିଲ୍ଲୀ: ଭାରତ ପାଇଁ ପାକିସ୍ତାନ ଅପେକ୍ଷା ଚୀନ ପଟୁ ବିପଦର ଆଶଙ୍କା ବଢିଚାଲିଛି । ଚୀନର ସାମରିକ କ୍ଷମତା ଓ ତାହାର ଆକ୍ରାମକ ମନୋଭାବ ଭାରତ ପାଇଁ ବେଶ ଚିନ୍ତାର କାରଣ ହୋଇଛି । କେବଳ ଉତ୍ତର ଓ ପଶ୍ଚିମ ଦିଗରେ ନୁହେଁ ଭାରତ ମହାସାଗରରେ ମଧ୍ୟ ଚୀନ ଭାରତକୁ ଘେରିବାକୁ ଉଦ୍ୟମ କରୁଛି । ଏହାଫଳରେ ଆଗାମୀ ଦିନରେ ଭାରତର ସୁରକ୍ଷା ଚିନ୍ତା ଅନେକଗୁଣରେ ବୃଦ୍ଧି ପାଇବାର ସମ୍ଭାବନା ରହିଛି ।
ଚୀନ ପରି ଏକ ଅତ୍ୟାଧୁନିକ ସେନାର ମୁକାବିଲା ପାଇଁ ଭାରତକୁ ପ୍ରସ୍ତୁତି ଆରମ୍ଭ କରିବାକୁ ପଡ଼ିବ । କାରଣ ବିଶ୍ୱରେ ଯେତେ ବଡ଼ ବଡ଼ ଦେଶଙ୍କ ସହିତ ସମ୍ପର୍କ ରଖିଲେ ମଧ୍ୟ ନିଜ ଯୁଦ୍ଧ ନିଜେ ହିଁ ଲଢିବାକୁ ପଡିବ । ଏହାକୁ ଦୃଷ୍ଟିରେ ରଖି ଆମ ସାମରିକ ବାହିନୀର ଆଧୁନିକୀକରଣ କରାଯିବା ଜରୁରୀ ହୋଇପଡିଛି ।
Sambad is now on WhatsApp
Join and get latest news updates delivered to you via WhatsApp
୨୦୨୦ ଦଶକରେ ଭାରତର ସାମରିକ କ୍ଷମତା କିପରି ରହିବ, ଭାରତର ସାମରିକ ଆବଶ୍ୟକତା କଣ ରହିବ, କେଉଁ କେଉଁ ଅସ୍ତ୍ର ଶସ୍ତ୍ର ବ୍ୟବହାର ହେବ ତାହାକୁ ନେଇ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ଏକ ଟେକନଲୋଜୀ ପ୍ରସପେକ୍ଟିଭ ଏଣ୍ଡ କାପାବିଲିଟି ରୋଡମ୍ୟାପ୍-୨୦୧୮ ପ୍ରସ୍ତୁତ କରାଯାଇଛି । ଏହା ଅନୁସାରେ ଭବିଷ୍ୟତର ଆହ୍ଵାନର ମୁକାବିଲା ପାଇଁ ଭାରତୀୟ ସେନାର ବୈଷୟିକ କ୍ଷମତାକୁ ବଢାଇବାକୁ ପଡିବ । ଆଗାମୀ ଦିନରେ ଭାରତ ପ୍ରାୟ ୪୦୦ଟି ଡ୍ରୋନ ଆବଶ୍ୟକ କରିବ । ଏଗୁଡିକ ମଧ୍ୟରେ ରହିଛି ଅତ୍ୟାଧୁନିକ ଲଢୁଆ ଡ୍ରୋନ, ବୁଡ଼ାଜାହାଜରୁ ଉଡିପାରୁଥିବା ଡ୍ରୋନ, ସାଧରଣ ଗୁଇନ୍ଦା ଡ୍ରୋନ ଆଦି । ଆଉ କେତେକ ନୂଆ ପିଢିର ଅସ୍ତ୍ର ଶସ୍ତ୍ର ମଧ୍ୟ ବ୍ୟବହାର ପାଇଁ ଚିନ୍ତା କରାଯାଉଛି । ଏଗୁଡ଼ିକ ମଧ୍ୟରେ ରହିଛି ଡାଇରେକ୍ଟେଡ୍ ଏନର୍ଜି େଓ୍ଵପନ୍ସ (ଲେଜର ଅସ୍ତ୍ର, ମାଇକ୍ରୋେଓ୍ଵଭ ଅସ୍ତ୍ର ଯାହାକି ଶତ୍ରୁପକ୍ଷର ବିମାନ ଏପରିକି ସାଟେଲାଇଟ୍କୁ ମଧ୍ୟ ଧ୍ୱଂସ କରିପାରିବ ।
ଏସବୁ ନୂଆ ନୂଆ ଟେକନଲୋଜୀର ବିକାଶ ପାଇଁ ସ୍ୱଦେଶୀ ଜ୍ଞାନ କୌଶଳର ବିକାଶ ଅଥବା ଅନ୍ୟ ଦେଶମାନଙ୍କ ସହ ମିଳିତଭାବେ ବିକାଶ କରାଯାଇପାରିବ ବୋଲି ରିପୋର୍ଟରେ କୁହାଯାଇଛି । ଏଥିପାଇଁ ଘରୋଇ କମ୍ପାନିମାନଙ୍କୁ ମଧ୍ୟ ପ୍ରେତ୍ସାହିତ କରାଯାଇପାରିବ । ଭାରତୀୟ ପ୍ରତିରକ୍ଷା ଗବେଷଣା ଓ ବିକାଶ ସଂସ୍ଥା ଡିଆରଡିଓ ପକ୍ଷରୁ ଲଢୁଆ ଡ୍ରୋନ ଘାତକର ବିକାଶ କରାଯାଉଛି । କିନ୍ତୁ ନୌସେନା ଓ ବାୟୁସେନା ଜରୁରୀକାଳୀନ ଭିତ୍ତିରେ ୩୦ଟି ଲଢୁଆ ଡ୍ରୋନ ଆବଶ୍ୟକ କରୁଛି ବୋଲି ଏଥିରେ କୁହାଯାଇଛି ।