ଶ୍ରୀନଗର: ତୁହାକୁ ତୁହା ଗୁଳି ଫୁଟୁଥିଲା | କିନ୍ତୁ ସ୍କୁଲ ଭିତରେ ରହିଯାଇଥିଲେ ହିଂସାକୁ ବୁଝୁନାଥିବା ଛୋଟ ଛୋଟ ପିଲା | ଏଭଳି ସ୍ଥିତିରେ କାଳେ ପାକିସ୍ତାନର ଗୁଳିରେ ସ୍କୁଲ ପିଲାଙ୍କର କ୍ଷତି ପହଂଚିବ ସେହି ଆଶଙ୍କା କରି ନିଜ ଜୀବନକୁ ଭ୍ରୁକ୍ଷେପ ନକରି କୁନି କୁନି ସ୍କୁଲ୍ ପିଲାଙ୍କ ଜୀବନ ବଂଚାଇଲେ ଯବାନ । ଶନିବାର ପାକିସ୍ତାନୀ ଯବାନ ନିୟନ୍ତ୍ରଣ ରେଖାର ଆରପଟେ ଭାରତୀୟ ସୀମା ଆଡକୁ ଅଚାନକ ଫାୟାରିଙ୍ଗ୍ କରିବା ଆରମ୍ଭ କରି ଦେଇଥିଲେ । ତେବେ କିଛି ସ୍କୁଲ୍ ପିଲା ଘରକୁ ଫେରୁଥିବା ସମୟରେ ଫାୟାରିଙ୍ଗ୍ ରେଞ୍ଜ ଭିତରେ ଚାଲିଆସିଥିଲେ ।
Sambad is now on WhatsApp
Join and get latest news updates delivered to you via WhatsApp
ରାସ୍ତାରେ ଫସିଥିବା ଏହି ସ୍କୁଲ୍ ପିଲାଙ୍କୁ ଭାରତୀୟ ସେନାର ଯବାନମାନେ ନିଜକୁ ଜୀବନକୁ ବାଜି ଲଗାଇ ବଂଚାଇଥିଲେ । ସେନାର ଯବାନମାନେ ବାଲାକୋଟ୍ ସ୍ଥିତ ସରକାରୀ ସ୍କୁଲର ପିଲାମାନଙ୍କୁ ବଂଚାଇ ତାଙ୍କୁ ଆର୍ମି ଗାଡିରେ ଫାୟାରିଙ୍ଗ୍ ରେଞ୍ଜ ଠାରୁ ସୁରକ୍ଷିତ ସ୍ଥାନକୁ ନେଇ ଯାଇଥିଲେ ।ସେନା ଯବାନ ୨ ଟି ସ୍କୁଲର ପିଲାମାନଙ୍କୁ ବଂଚାଇ ଗାଡିରେ ସୁରକ୍ଷିତ ସ୍ଥାନକୁ ନେଇଯାଇଥିଲେ ।
#WATCH Poonch: Indian Army rescues children from Government school in Sandote village at Balakote sector of Mendhar Tehsil as cross-border firing starts from Pakistan. Indian Army rescued children from 2 other schools in Balakote and Behrote village. #JammuAndKashmir pic.twitter.com/qnSRlqzEiI
— ANI (@ANI) September 14, 2019
ଗାଡିରେ ବସିବା କ୍ଷଣି ସ୍କୁଲ୍ ପିଲାମାନେ ସେନା ଯବାନଙ୍କୁ ହାତ ହଲାଇ ଧନ୍ୟବାଦ ଜଣାଇ ନିଜ ଖୁସି ଜାହିର କରିଥିଲେ । ଏହି ଘଟଣା ଜମ୍ମୁ-କାଶ୍ମୀରର ମେଢର୍ ତହସିଲରେ ଘଟିଛି ।