ନୂଆଦିଲ୍ଲୀ: ପ୍ଲାଷ୍ଟିକ ପାଣି ବୋତଲ ଅପମିଶ୍ରିତ ତଥା ସ୍ୱାସ୍ଥ୍ୟ ପାଇଁ ଅନୁପଯୁକ୍ତ ବୋଲି ଏକ ଆମେରିକୀୟ ସଂସ୍ଥା କରିଥିବା ଗବେଷଣାକୁ ଅସ୍ୱୀକାର କରିଛନ୍ତି ଭାରତୀୟ ପାଣି ବୋତଲ କମ୍ପାନିମାନେ । ଏସବୁ ବୋତଲ ପାଣିକୁ ବଜାରକୁ ଛାଡିବା ପୂର୍ବରୁ ଯଥେଷ୍ଟ ପରୀକ୍ଷା ନିରୀକ୍ଷା ଦେଇ ଗତି କରିବାକୁ ହୁଏ ବୋଲି ଏହି କମ୍ପାନିମାନେ କହିଛନ୍ତି । ବିସଲେରୀ କମ୍ପାନିର ସିଏମଡି ରମେଶ ଚୌହାନ କହିଛନ୍ତି ଯେ ତାଙ୍କ କମ୍ପାନି ପାଣିକୁ ୧୦ ଟି ପର୍ଯ୍ୟାୟରେ ଛାଣି ବିଶୁଦ୍ଧ କରିଥାଏ । କମ୍ପାନିର ନିଜର କ୍ୱାଲିଟି ଲାବ ଅଛି । କମ୍ପାନି ମଧ୍ୟ ବିଆଇଏସ ଓ ବିଶ୍ୱ ସ୍ୱାସ୍ଥ୍ୟ ସଂଗଠନର ଗାଇଡଲାଇନକୁ ମାନେ । ଅନ୍ୟତମ କମ୍ପାନି ପେପସୀ ଯିଏକି ଆକ୍ୱାଫିନା ବ୍ରାଣ୍ଡରେ ପାଣି ବିକ୍ରି କରିଥାଏ ପକ୍ଷରୁ କୁହାଯାଇଛି ଯେ ଅତ୍ୟନ୍ତ କଠିନ କ୍ୱାଲିଟି ମାନଦଣ୍ଡ ଅନୁସାରେ କମ୍ପାନି ପାଣିକୁ ବିଶୁଦ୍ଧ କରିଥାଏ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଆମେରିକାର ଏକ ଏନଜିଓ ଅରବ୍ ମିଡିଆ ଦ୍ୱାରା କରାଯାଇଥିବା ଅଧ୍ୟୟନରୁ ଜଣାପଡିଛି ଯେ ପ୍ଲାଷ୍ଟିକ ବୋତଲରେ ଥିବା ପାଣିରେ ପଲିପ୍ରୋପିଲିନ,ନାଇଲନ ଓ ପଲିଏଥିଲିନ ଟେରେପଥଲେଟ୍ ରହିଛି । ଅର୍ଥାତ୍ ଆପଣ ଯଦି ପ୍ଲାଷ୍ଟକ ବୋତଲରେ ପାଣି ପିଉଛନ୍ତି ତେବେ ଆପଣଙ୍କ ଶରୀରକୁ ଏସବୁ ମାରାତ୍ମକ ମାଇକ୍ରୋପ୍ଲାଷ୍ଟିକ ଯାଉଛି ।