ନିଜ ବ୍ୟକ୍ତିଗତ ଲାଭ ପାଇଁ ବାୟୁସେନା କରିଥିବା ଏୟାର ଷ୍ଟ୍ରାଇକ୍ର ଫାଇଦା ଉଠାଉଥିବାରୁ ବିବାଦରେ ଭାରତୀୟ କମ୍ପାନି !
ନୂଆଦିଲ୍ଲୀ : ପୁଲଓ୍ଵାମା ଆକ୍ରମଣ ଜବାବ ପାକିସ୍ତାନକୁ ମିଳିବା ପରେ ସାରା ଭାରତବାସୀଙ୍କ ମନରେ ଖୁସିର ଲହରୀ ଖେଳି ଯାଇଥିଲା । ୪୦ଜଣ ସହିଦ୍ ଯବାନଙ୍କ ମୃତ୍ୟୁର ପ୍ରତିଶୋଧ ଭାରତୀୟ ବାୟୁସେନା ୩୦୦ଆତଙ୍କବାଦୀଙ୍କୁ ନିହତ କରି ନେଇଥିଲା । ଭାରତୀୟ ବାୟୁସେନାର ପରାକ୍ରମ ପରେ ସାରା ଭାରତ ତାଙ୍କୁ ପ୍ରଶଂସା କରୁଥିବା ବେଳେ ଭାରତରେ ଥିବା ବିଭିନ୍ନ ଘରୋଇ କମ୍ପାନି ଏହାର ଫାଇଦା ଉଠାଉଥିବା ଦେଖା ଯାଇଥିଲା ।
Wow! How insensitive can your marketing team be? Stop using this strike as an excuse to get more money. Will you guys join the armed forces to fight? Enough of the stupidity. #Joshmyfoot #ShameOnYou @SmaaashLive @SmaaashUSA pic.twitter.com/WEX2ohCXTa
— Vatsala Mehra (@Vatsala1Mehra) February 26, 2019
ନିଜ ନିଜର ଉତ୍ପାଦ ଉପରେ ୨୦ପ୍ରତିଶତ ବା ୧୦ପ୍ରତିଶତ ରିହାତି ରଖି କମ୍ପାନିମାନେ ନିଜ ନିଜର ଉତ୍ପାଦ ବିକ୍ରି କରିବାରେ ଲାଗି ପଡ଼ିଛନ୍ତି । ନିଜ ବିକ୍ରି ବଢ଼ାଇବା ପାଇଁ କମ୍ପାନି ଏୟାର ଷ୍ଟ୍ରାଇକ୍ର ସାହାଯ୍ୟ ନେଇଥିବାରୁ ତାଙ୍କୁ ନେଇ ବିବାଦ ଆରମ୍ଭ ହୋଇଛି । ଲୋକେ ସୋସିଆଲ ମିଡିଆରେ କମ୍ପାନିର ବିଜ୍ଞାପନର ଫଟୋ ସେୟାର କରି ତାଙ୍କୁ ଟ୍ରୋଲ କରୁଥିବା ଦେଖାଯାଇଛି ।
In light of today’s airstrike by the IAF on Pakistani terror camps, we offer a 20% discount on all orders on https://t.co/3MTmDd9E1w . Coupon code: FPAKAGAIN#Sorrynotsorry #Surgicalstrike2 #FPAK20 #IndianAirForce #IndiaStrikesBack #Balakot #FPAKAGAIN #howsthejosh pic.twitter.com/1Y7CJxSPoL
— BurgerSingh (@BurgerSinghs) February 26, 2019
ଏୟାର ଷ୍ଟ୍ରାଇକ୍ର ଖୁସିକୁ ପାଳନ କରିବା ପାଇଁ କମ୍ପାନିମାନେ କୁପନ କୋଡ୍ର ନାଁ FPAKAGAIN ରଖିଥିବା ଦେଖାଯାଇଥିଲା । ଲୋକମାନଙ୍କ ପାଖକୁ କମ୍ପାନି ତରଫରୁ ଆସୁଥିବା ଅଫର ଦେଖି ସେମାନେ ବିରକ୍ତି ପ୍ରକାଶ କରିବା ସହ ନିଜର ଫାଇଦା ପାଇଁ ସେମାନେ କିଭଳି ଏୟାର ଷ୍ଟ୍ରାଇକ୍ର ଫାଇଦା ଉଠାଉଛନ୍ତି, ତାହା ସାମ୍ନାକୁ ଆଣିଛନ୍ତି । କିଛି କମ୍ପାନିର କୁପନ କୋଡ୍ର ନାଁ URI2PULWAMA ରଖାଯାଇଥିବା ବେଳେ କିଛି କୁପନ କୋଡ୍ ନାଁ INDIANAIRFORCE ରଖାଯାଇଥିବା ଦେଖା ଯାଇଛି ।