ମ୍ୟାଚ୍ ଚାଲିଥିବା ସମୟରେ କଲମ୍ବିଆର ଚେସ୍ ଷ୍ଟାରଙ୍କୁ ବିବାହ ପ୍ରସ୍ତାବ ଦେଲେ ଭାରତୀୟ ସାମ୍ବାଦିକ, ଭାଇରାଲ ହେଲା ଫଟୋ
ନୂଆଦିଲ୍ଲୀ : ଭାରତୀୟ ସାମ୍ବାଦିକ ନିକଲେଶ ଜୈନ୍ ନିଜ କଲମ୍ବିଆନ ପ୍ରେମିକାଙ୍କୁ ଯେଉଁ ଭଳି ଭାବରେ ବିବାହ ପ୍ରସ୍ତାବ ଦେଲେ ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ବିଶେଷ କରି ପ୍ରସ୍ତାବ ଦେବାର ସମୟକୁ ନେଇ ସେ ଅଧିକ ଚର୍ଚ୍ଚା ସାଉଁଟିଛନ୍ତି । ନିକଲେଶ ନିଜ ପ୍ରେମିକା ତଥା ଚେସ୍ ଖେଳାଳି ଏଞ୍ଜେଲା ଲୋପେଜଙ୍କୁ ସେହି ସମୟରେ ପ୍ରସ୍ତାବ ଦେବାକୁ ପହଞ୍ଚିଥିଲେ, ଯେଉଁ ସମୟରେ ଲୋପେଜ୍ଙ୍କ ଟିମ୍ ମୁକାବିଲା ପାଇଁ ବସି ସାରିଥିଲା । ଏକ ଚେସ୍ ଅଲମ୍ପିଆଡ଼୍ରେ ନିକଲେଶ ଲୋପେଜଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ । ଲୋପେଜ କଲମ୍ବିଆର ଗ୍ରାଣ୍ଡ ମାଷ୍ଟର ହୋଇଥିବା ବେଳେ ନିକଲେଶ ଜଣେ କ୍ରୀଡ଼ା ସାମ୍ବାଦିକ ବୋଲି ଜଣା ପଡ଼ିଛି । ଏହା ସହ ନିକଲେଶ ନିଜେ ଚେସ୍ ଖେଳାଳି ରହି ସାରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
କିଛି ଦିନ ପୂର୍ବରୁ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଆରମ୍ଭ ହୋଇଥିବା ବେଳେ ଏହାକୁ ବିବାହର ରୂପ ଦେବା ପାଇଁ ଭାବିଥିଲେ ନିକଲେଶ । ଏଥିପାଇଁ ସେ ଚେସ୍ ଖେଳ ଆରମ୍ଭ ହେବା ପୂର୍ବରୁ ଲୋପେଜଙ୍କୁ ବିବାହ ପ୍ରସ୍ତାବ ଦେଇଥିଲେ । ତାଙ୍କ ପ୍ରସ୍ତାବର ଉତ୍ତର ତାଙ୍କୁ ‘ହଁ’ରେ ମିଳିଥିଲା । ସୂଚନା ମୁତାବକ, ପୂର୍ବ ବର୍ଷ ବାର୍ସିଲୋନାରେ ଏକ ମ୍ୟାଚ୍ କଭର କରିବାକୁ ଯାଉଥିବା ବେଳେ ଦୁହେଁ ପରସ୍ପର ସହ କଥା ହେବା ଆରମ୍ଭ କରିଥିଲେ । କିଛି ଦିନ ପରେ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଆରମ୍ଭ ହୋଇଥିଲା । ଯାହା ଏବେ ବିବାହର ଋପ ନେବାକୁ ଯାଉଛି ।