୨୦୧୯ ଭାରତୀୟ ନୌସେନା ଦିବସରେ ନୌସେନା କର୍ମଚାରୀଙ୍କୁ ଅଭିନନ୍ଦନ ଜଣାଇଲେ ରାଷ୍ଟ୍ରପତି କୋବିନ୍ଦ ଓ ପ୍ରଧାନମନ୍ତ୍ରୀ ମୋଦୀ
ନୂଆଦିଲ୍ଲୀ: ପ୍ରତିବର୍ଷ ଡିସେମ୍ବର ୪ ତାରିଖରେ ପାଳନ କରାଯାଉଥିବା ଭାରତୀୟ ନୌସେନା ଦିବସ ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ଏବଂ ଅନ୍ୟାନ୍ୟ ମନ୍ତ୍ରୀ ଓ ରାଜନେତାମାନେ ଟୁଇଟ୍ କରି ନୌସେନା କର୍ମଚାରୀମାନଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କ ସାହସିକତାକୁ ଅଭିବାଦନ ଜଣାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
On Navy Day, my good wishes to all officers and men and women of the Indian Navy.
Nation is proud of your commitment in protecting our maritime frontiers, securing our trade routes, and providing assistance in times of civil emergencies.
May you ever rule the waters. Jai Hind!
— President of India (@rashtrapatibhvn) December 4, 2019
ରାଷ୍ଟ୍ରପତି କୋବିନ୍ଦ ଲେଖିଛନ୍ତି: ନୌସେନା ଦିବସ ଉପଲକ୍ଷେ ଭାରତୀୟ ନୌସେନାର ସମସ୍ତ ଅଧିକାରୀ, ବ୍ୟକ୍ତି ଓ ମହିଳାମାନଙ୍କୁ ମୋର ଶୁଭକାମନା। ଆମର ସାମୁଦ୍ରିକ ସୀମାନ୍ତକୁ ସୁରକ୍ଷା ପ୍ରଦାନ, ବାଣିଜ୍ୟିକ ପଥ ନିରାପଦ ରଖିବା ଏବଂ ସାଧାରଣ ଅସୁବିଧାରେ ସହାୟତା ଯୋଗାଇ ଦେବାଲାଗି ଆପଣମାନଙ୍କର ପ୍ରତିବଦ୍ଧତା ନିମନ୍ତେ ଦେଶ ଗୌରବାନ୍ଵିତ। ଜଳଭାଗ ଉପରେ ଆପଣମାନଙ୍କର ରାଜୁତି ଚାଲୁଥାଉ। ଜୟ ହିନ୍ଦ୍!
ଆମର ଦେଶକୁ ସୁରକ୍ଷା ଦେବା ନିମନ୍ତେ ଭାରତୀୟ ନୌସେନା କରୁଥିବା ପ୍ରଶଂସନୀୟ କାମର ଗୋଟାଏ ସ୍ୱତନ୍ତ୍ର ଭିଡିଓ ସହ ପ୍ରଧାନମନ୍ତ୍ରୀ ମୋଦୀ ଟୁଇଟ୍ କରିଛନ୍ତି: ନୌସେନା ଦିବସ ଅବସରରେ ଆମ ସାହସିକ ନୌସେନା କର୍ମଚାରୀଙ୍କୁ ଅଭିବାଦନ ଜଣାଉଛୁ। ସେମାନଙ୍କର ମୂଲ୍ୟବାନ ସେବା ଏବଂ ଆତ୍ମବଳି ଆମ ଜାତିକୁ ଆହୁରି ଟାଣୁଆ ଓ ନିରାପଦ କରିଛି।
On Navy Day, we salute our courageous navy personnel. Their valuable service and sacrifice have made our nation stronger and safer. pic.twitter.com/AVe6rMIZkF
— Narendra Modi (@narendramodi) December 4, 2019
ଭାରତୀୟ ନୌସେନାର ଅବଦମନୀୟ ସାହସ ଏବଂ ସୌର୍ଯ୍ୟକୁ ଅଭିବାଦନ ଜଣାଇ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଟୁଇଟ୍ କରିଛନ୍ତି: ନୌସେନା ଦିବସରେ ସମସ୍ତ ଭାରତୀୟ ନୌସେନା କର୍ମଚାରୀ ଏବଂ ତାଙ୍କ ପରିବାରବର୍ଗଙ୍କୁ ମୁଁ ଆନ୍ତରିକ ଶୁଭେଚ୍ଛା ଏବଂ ଅଭିନନ୍ଦନ ଜଣାଉଛି। ଭାରତୀୟ ନୌସେନା ଉପରେ ଦେଶର ଦୃଢ଼ ବିଶ୍ୱାସ ଓ ଗର୍ବ ରହିଛି। ଏହା ଭାରତର ସାମୁଦ୍ରିକ ଶକ୍ତିର ଅଭିବ୍ୟକ୍ତି।
On the Navy Day, I convey my best wishes and greetings to all the @indiannavy personnel and their families.
The nation has unwavering faith and pride in the Indian Navy. It is the manifestation of India’s maritime power. We salute their indomitable courage and valour.
— Rajnath Singh (@rajnathsingh) December 4, 2019
ନୌସେନା ଦିବସ ଅବସରରେ ଆଜି ସକାଳେ ଭାରତୀୟ ସେନା, ଭାରତୀୟ ନୌସେନା ଏବଂ ଭାରତୀୟ ବାୟୁସେନାର ଉପମୁଖ୍ୟ ଜାତୀୟ ସମର ସ୍ମାରକୀ ଠାରେ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ।