ନୂଆଦିଲ୍ଲୀ : ଭାରତର ୨ୟ ସ୍କରପିନ କ୍ଲାସ ଲଢୁଆ ବୁଡ଼ାଯାହାଜ ଆଇଏନଏସ ଖଣ୍ଡେରୀ ଆସନ୍ତା ୨୮ ତାରିଖରେ ଭାରତୀୟ ନୌସେନାରେ ସାମିଲ ହେବ । ମୁମ୍ବାଇଠାରେ ଏକ ସ୍ୱତନ୍ତ୍ର ସମାରୋହରେ କେନ୍ଦ୍ର ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ଏହାକୁ ଜାତି ଉଦ୍ଦେଶ୍ୟରେ ସମର୍ପିତ କରିବେ । ଏହି ଅବସରରେ ନୌସେନା ମୁଖ୍ୟ ମଧ୍ୟ ଉପସ୍ଥିତ ରହିବେ । ଉଭୟ ଡିଜେଲ ଓ ବିଦ୍ୟୁତ ଚାଳିତ ଏହି ବୁଡାଜାହାଜକୁ ମୁମ୍ବାଇର ମାଜଗାଁଓ ସିପବିଲଡର୍ସ ପକ୍ଷରୁ ନିର୍ମାଣ କରାଯାଇଛି । ଭାରତର ପ୍ରଥମ ସ୍କରପିନ କ୍ଲାସ ବୁଡାଜାହାଜ ବା ସବମେରିନ ଆଇଏନଏସ କାଲଭରୀ ଗତ ୨୦୧୭ ଡିସେମ୍ବର ମାସରେ ନୌସେନାର ସାମିଲ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ଭାରତ ସରକାର ଆରମ୍ଭ କରିଥିବା ପ୍ରୋଜେକ୍ଟ ୭୫ କାର୍ଯ୍ୟକ୍ରମରେ ମୋଟ ୬ଟି ସ୍କରପିନ କ୍ଲାସ ବୁଡାଜାହାଜ ନୌସେନାରେ ସାମିଲ କରିବାକୁ ଯୋଜନା କରାଯାଇଛି । ଆଇଏନଏସ କାଲଭରୀ ଓ ଆଇଏନଏସ ଖଣ୍ଡେରୀ ଏହି ଯୋଜନାର ଅଂଶବିଶେଷ । ଆଗାମୀ କିଛି ବର୍ଷ ମଧ୍ୟରେ ଅବଶିଷ୍ଟ ୪ଟି ସବମେରିନକୁ ମଧ୍ୟ ନୌସେନାରେ ସାମିଲ କରାଯିବ ।