ବିଦେଶର ବିଭିନ୍ନ ଜେଲରେ ବନ୍ଦୀ ଜୀବନ କାଟୁଛନ୍ତି ୭ ହଜାରରୁ ଅଧିକ ଭାରତୀୟ
ନୂଆଦିଲ୍ଲୀ: ବିଦେଶର ବିଭିନ୍ନ ଜେଲରେ ୭ ହଜାରରୁ ଅଧିକ ଭାରତୀୟ ବନ୍ଦୀ ଜୀବନ କାଟୁଛନ୍ତି | ସରକାରଙ୍କ ସୂଚନା ମୁତାବକ ୩୧ ଡିସେମ୍ବର ୨୦୨୦ ସୁଦ୍ଧା ବିଶ୍ୱର ଅଲଗା ଅଲଗା ଦେଶର ଜେଲମାନଙ୍କରେ ୭୧୩୯ ଜଣ ଭାରତୀୟ କଏଦୀ ଭାବେ ଜୀବନ କାଟୁଛନ୍ତି | ସବୁଠାରୁ ଅଧିକ କଏଦୀ ସାଉଦି ଆରବରେ ବନ୍ଦୀ ଜୀବନ କାଟୁଥିବାବେଳେ ଏମାନଙ୍କ ସଂଖ୍ୟା ହେଉଛି ୧୫୯୯ ଜଣ | ଏହି ୧୫୯୯ ଜଣଙ୍କ ମଧ୍ୟରେ ୧୨ ଜଣ ମହିଳା ଥିବାବେଳେ ଯେଉଁମାନଙ୍କ ଉପରେ ମାରପିଟ, ଲାଞ୍ଚ ନେବା ଭଳି ଅଭିଯୋଗ ରହିଛି |
Sambad is now on WhatsApp
Join and get latest news updates delivered to you via WhatsApp
ସେହିପରି ୪୫ ଜଣଙ୍କ ବିରୋଧରେ ହତ୍ୟା, ୪୮ ଜଣଙ୍କ ନାମରେ ଯୌନ ଶୋଷଣ ଭଳି ଅଭିଯୋଗ ଥିବାବେଳେ ଆଉ କିଛିଙ୍କ ନାମରେ ଇମିଗ୍ରେସନ ନିୟମ ଭାଙ୍ଗିବା ସହ ଚୋରାଚାଲାଣ ଭଳି ଅଭିଯୋଗ ରହିଛି | ଏହା ପୂର୍ବରୁ ସରକାର କହିଥିଲେ ଯେ ମେ ୨୦୧୯ ସୁଦ୍ଧା ସାଉଦି ଆରବରେ ୧୮୧୧ ଜଣ ଭାରତୀୟ ବନ୍ଦୀ ଜୀବନ କାଟୁଥିବାବେଳେ ୧୯ ମାସ ଅଧ୍ୟରେ ସାଉଦି ଆରବରେ ଭାରତୀୟ ବନ୍ଦୀଙ୍କ ସଂଖ୍ୟା କମିଛି |
ସାଉଦି ଆରବ ବ୍ୟତୀତ କୁଏତ ଓ ସଂଯୁକ୍ତ ଆରବ ଏମିରେଟରେ ୫୦୦ରୁ ଅଧିକ ଭାରତୀୟ ବନ୍ଦୀ ଭାବେ ଜୀବନ କାଟୁଛନ୍ତି | ଭାରତର ପଡୋଶୀ ଦେଶରେ ଭାରତୀୟ ବନ୍ଦୀ କଥା କହିବାକୁ ଗଲେ ପାକିସ୍ତାନରେ ୬୨ ଜଣ ଭାରତୀୟ କଏଦୀ ଟାଇବାବେଳେ ନେପାଳରେ ୮୮୬ ଜଣ ଭାରତୀୟ କଏଦୀ ଅଛନ୍ତି | ସେହିପରି ଚୀନରେ ୧୪୪ ଜଣ, ଭୁଟାନରେ ୯୪ ଜଣ, ଶ୍ରୀଲଙ୍କାରେ ୮୩ ଜଣ ଭାରତୀୟ କଏଦୀ ଭାବେ ଅଛନ୍ତି |