ଭୋପାଳ : ଭାରତରେ ଆତଙ୍କବାଦୀ ଆକ୍ରମଣ କରିବାକୁ କୁଖ୍ୟାତ ଆତଙ୍କବାଦୀ ସଂଗଠନ ଅଲ କାଇଦା ଧମକ ଦେବା ପରେ ତାହାର ଜବାବ ଦେଇଛନ୍ତି ମଧ୍ୟ ପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ର । ସେ କହିଛନ୍ତି ଯେ ଯେଉଁମାନେ ଭାରତ ଉପରେ ଆକ୍ରମଣ କରିବାକୁ ଚିନ୍ତା କରୁଛନ୍ତି, ସେମାନେ ଜାଣିବା କଥା ଯେ ଭାରତ ନରେନ୍ଦ୍ର ମୋଦୀଙ୍କ ଶାସନାଧୀନ ରହିଛି । କୌଣସି ଆତଙ୍କବାଦୀ ସଂଗଠନକୁ ବରଦାସ୍ତ କରାଯିବ ନାହିଁ । ଭାରତକୁ ଆକ୍ରମଣ କରିବାକୁ ଚିନ୍ତା କରୁଥିବା ଆତଙ୍କବାଦୀ ସଂଗଠନକୁ ଲୋପ କରିଦିଆଯିବ । ଏଣୁ ଅଲକାଇଦା ‘ଯଦି କାଇଦାରେ ରହିବ ତେବେ ଫାଇଦାରେ ରହିବ’ ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ବିଜେପିର ଦୁଇ ପୂର୍ବତନ ମୁଖପାତ୍ରଙ୍କ ଦ୍ବାରା ଇସଲାମ ବିରୋଧୀ ମନ୍ତବ୍ୟକୁ ସମଗ୍ର ମୁସଲିମ ଦେଶମାନେ ବିରୋଧ କରିବା ପରେ ଅଲ କାଇଦା ମଧ୍ୟ ଭାରତକୁ ଧମକ ଦେଇଛି । ଗତ ଜୁନ ୬ ତାରିଖରେ ଅଲକାଇଦା ପକ୍ଷରୁ ଜାରି ଏକ ଧମକପୂର୍ଣ୍ଣ ପତ୍ରରେ କୁହାଯାଇଛି ଯେ ଯେଉଁମାନେ ଏପରି ଅପମାନ କରିଛନ୍ତି, ସେମାନଙ୍କୁ ହତ୍ୟା କରାଯିବ । ଅଲକାଇଦା ସଦସ୍ୟମାନେ ନିଜ ଶରୀରରେ ଓ ନିଜ ପିଲାମାନଙ୍କ ଶରୀରରେ ବିସ୍ଫୋରକ ବାନ୍ଧି ଆତ୍ମଘାତି ବିସ୍ଫୋରଣ କରି ଏପରି ଅପରାଧ କରିଥିବା ଲୋକମାନଙ୍କୁ ଉଡ଼ାଇଦେବେ । ଗେରୁଆ ଆତଙ୍କବାଦୀମାନେ ଦିଲ୍ଲୀ, ମୁମ୍ବାଇ, ଗୁଜୁରାଟ ଓ ଉତ୍ତରପ୍ରଦେଶରେ ନିଜର ଧ୍ବଂସ ପାଇଁ ଅପେକ୍ଷା କରିବା ଉଚିତ ।