ବେଙ୍ଗାଲୁରୁ: ଜଣେ ଭାରତୀୟ ଛାତ୍ରଙ୍କୁ କାଲିଫର୍ଣ୍ଣିଆର ଏକ ହୋଟେଲ୍‌ରେ ଗୁଳି କରି ହତ୍ୟା‌ କରାଯାଇଛି। ମହୀଶୂରର ୨୫ ବର୍ଷୀୟ ଅଭିଷେକ ସୁଦେଶ ଭଟ୍ଟ କାଲିଫର୍ଣ୍ଣିଆ ଷ୍ଟେଟ୍‌ ବିଶ୍ବବିଦ୍ୟାଳୟରେ ଏମ୍‌ସିଏ ଅଧ୍ୟୟନ କରୁଥିଲେ। ସେ ଏକ ହୋଟେଲ୍‌ରେ ପାର୍ଟ ଟାଇମ୍‌ କାମ ମଧ୍ୟ କରୁଥିଲେ। ଗତ ଗୁରୁବାର ଦିନ ହୋଟେଲ୍‌ରେ ହିଁ ତାଙ୍କୁ ଜଣେ ଦୁର୍ବୃତ୍ତ ଗୁଳି କରି ହତ୍ୟା କରିଛି। ମହୀଶୂରର କୁଭେମ୍ପୁନଗର ବାସିନ୍ଦା‌ ଅଭିଷେକ ଗତ ଦୁଇ ବର୍ଷ ପୂର୍ବେ ପିଜି ପାଇଁ କାଲିଫର୍ଣ୍ଣିଆ ଯାଇଥିଲେ। ଆଉ ୪ ମାସ ପରେ ତାଙ୍କ ମାଷ୍ଟର ଡିଗ୍ରି ସରିଥାନ୍ତା। କିନ୍ତୁ ଏହା ପୂର୍ବରୁ ଅଭିଷେକଙ୍କୁ ଏଭଳି ହତ୍ୟା ଘଟଣା ପାଇଁ ପରିବାର ସଦସ୍ୟଙ୍କୁ ସ୍ତବ୍ଧ କରିଦେଇଛି।