ଭାରତୀୟଙ୍କ ବେତନ ୧୦.୨% ବଢ଼ିବ
ନୂଆଦିଲ୍ଲୀ : ଭାରତୀୟମାନଙ୍କ ହାରାହାରି ବେତନ ୨୦୨୩ରେ ୧୦.୨ ପ୍ରତିଶତ ବୃଦ୍ଧି ପାଇବ ବୋଲି ‘ଇୱାଇ’ ଆକଳନ କରିଛି। ୨୦୨୨ରେ ହୋଇଥିବା ୧୦.୪ ପ୍ରତିଶତର ବୃଦ୍ଧି ତୁଳନାରେ ଏହା ସାମାନ୍ୟ କମ୍। ଇ-କମର୍ସ, ପେସାଦାର ସେବା ଓ ଆଇଟିରେ ବେତନ ଦ୍ରୁତ ଗତିରେ ବଢ଼ିବ। ୨୦୨୩ରେ ଇ-କମର୍ସରେ ହାରାହାରି ବେତନ ୧୨.୫ ପ୍ରତିଶତ, ପ୍ରଫେସନାଲ୍ ସେବାରେ ୧୧.୯ ପ୍ରତିଶତ, ଆଇଟିରେ ୧୦.୮ ପ୍ରତିଶତ, ଆର୍ଥିକ ସେବାରେ ୧୦.୩ ପ୍ରତିଶତ ଓ ଅଟୋମୋବାଇଲ୍ ମାନୁଫାକ୍ଚରିଂ କ୍ଷେତ୍ରରେ ୯.୪ ପ୍ରତିଶତ ବଢ଼ିବ।
Sambad is now on WhatsApp
Join and get latest news updates delivered to you via WhatsApp
ଇୱାଇ ପକ୍ଷରୁ କର୍ମଚାରୀଙ୍କ ଚାକିରି ବଦଳାଇବା ତଥ୍ୟ ମଧ୍ୟ ଜାରି କରାଯାଇଛି। ଆର୍ଥିକ ଅନୁଷ୍ଠାନଗୁଡ଼ିକରେ ଚାକିରି ବଦଳାଇବା ହାର ସର୍ବାଧିକ ୨୮.୩୦ ପ୍ରତିଶତ ଥିବା ବେଳେ ଇ-କମର୍ସରେ ୨୭.୭୦ ପ୍ରତିଶତ, ପ୍ରଯୁକ୍ତିରେ ୨୨.୧୦ ପ୍ରତିଶତ, ଖଣି ଓ ଧାତବରେ ୮.୨୦ ପ୍ରତିଶତ, ଆତିଥେୟତାରେ ୯.୧୦ ପ୍ରତିଶତ ଓ ଏରୋସ୍ପେସ୍ କ୍ଷେତ୍ରରେ ୧୦.୯୦ ପ୍ରତିଶତ ରହିଛି। ଏହି ରିପୋର୍ଟରେ ଏହା ମଧ୍ୟ ଉଲ୍ଲେଖ ରହିଛଇ ଯେ ୨୦୨୨ରେ ୪୨ ପ୍ରତିଶତ ଲୋକ ଅଫିସ୍ ଆସି କାମ କରୁଥିବା ବେଳେ ୨୬ ପ୍ରତିଶତ ହାଇବ୍ରିଡ୍ ମଡେଲ୍ରେ ୧୭% ଘରୁ କିମ୍ବା ଅଫିସ୍ରେ ଏବଂ ୧୧ ପ୍ରତିଶତ ଅଫିସ୍ରୁ ବାହାରେ ରହି କାମ କରୁଥିଲେ।