କାବୁଲ: ଆଫଗାନିସ୍ତାନରେ ତାଲିବାନ ନିଜର ଅସଲ ରୂପ ଦେଖାଇବା ଆରମ୍ଭ କରିଛି । ସୂଚନାନୁସାରେ, ତାଲିବାନ ଜବରଦସ୍ତ ୧୫୦ ଲୋକଙ୍କୁ କାବୁଲ ବିମାନବନ୍ଦରରୁ ଉଠାଇ ନେଇଛି । ଏହି ଲୋକମାନଙ୍କ ମଧ୍ୟରୁ ଅଧିକାଂଶ ଭାରତୀୟ ନାଗରିକ ଥିବା ବେଳେ ଆଫଗାନିସ୍ତାନ ନାଗରିକ ଏବଂ ଆଫଗାନିସ୍ତାନ ଶିଖ ରହିଛନ୍ତି |

Advertisment

publive-image aajtak.in

ଏହି ଲୋକମାନଙ୍କ ମଧ୍ୟରେ ଥିବା ଜଣେ ବ୍ୟକ୍ତି ତାଙ୍କ ପତ୍ନୀଙ୍କ ସହ ତାଲିବାନର କବଳରୁ ରକ୍ଷା ପାଇବାରେ ସଫଳ ହୋଇଥିବା ଜଣାପଡ଼ିଛି | ଖସି ଆସିବା ପାରେ ସେ କହିଛନ୍ତି ଯେ, କିଛି ତାଲିବାନ ଏକ ଗାଡିରେ ବିମାନବନ୍ଦରରେ ପହଞ୍ଚିଥିଲେ | ଏହା ପରେ ସେଠାରେ ଥିବା ପ୍ରାୟ ୧୫୦ ଲୋକଙ୍କୁ ମାରପିଟ କରିବା ସହ ଗାଡ଼ିରେ ବସାଇ ସେଠାରୁ ନେଇଯାଇଥିଲେ | ମୋ ଭଳି ଅନ୍ୟ କିଛି ଲୋକ ଗାଡ଼ିରୁ ଡେଇଁ ଖସିବାରେ ସଫଳ ହୋଇଥିଲେ ମଧ୍ୟ ସେମାନେ ପ୍ରାୟ ୧୫୦ଜଣଙ୍କୁ ନେଇଯାଇଛନ୍ତି | ଏବେ ସେମାନଙ୍କ ସହ କ'ଣ ହେବ ଭଗବାନଙ୍କୁ ଜଣା |

ତେବେ ତାଲିବାନ ଏହି ରିପୋର୍ଟକୁ ପ୍ରତ୍ୟାଖ୍ୟାନ କରିଛି। ତାଲିବାନ ମୁଖପାତ୍ର ଅହମ୍ମଦୁଲ୍ଲା ୱସେକ ୧୫୦ଜଣଙ୍କୁ ଅପହରଣ କରିଥିବା ଖବରକୁ ଅସ୍ୱୀକାର କରିଛନ୍ତି।