କୋଚିରେ ଆରମ୍ଭ ହେବ ଭାରତର ସବୁଠାରୁ ବଡ କୋଭିଡ୍ କେୟାର ସେଣ୍ଟର, ରହିଛି ୧୦୦୦ଟି ଅମ୍ଳଜାନ ଶଯ୍ୟା
କୋଚି: କେରଳର ଏର୍ନାକୁଲମ୍ ଜିଲ୍ଲାରେ ଅମ୍ଳଜାନ ଶଯ୍ୟା ସହିତ ଭାରତର ସବୁଠାରୁ ବଡ କୋଭିଡ୍-୧୯ କେୟାର ସେଣ୍ଟର ପ୍ରତିଷ୍ଠା କରାଯାଉଛି | ଅମ୍ବାଲାମୁଗାଲରେ ଥିବା ୧୦୦୦ ଶଯ୍ୟା ବିଶିଷ୍ଟ କୋଭିଡ୍-୧୯ କେୟାର ସେଣ୍ଟର ଗୁରୁବାର ସୁଦ୍ଧା ପ୍ରସ୍ତୁତ ହେବ ବୋଲି ଅଧିକାରୀମାନେ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏର୍ନାକୁଲାମ ଜିଲ୍ଲା ପ୍ରଶାସନର ଅଧିକାରୀମାନେ କହିଛନ୍ତି ଯେ, ଅମ୍ବାଲାମୁଗାଲ ରିଫାଇନାରୀ ସ୍କୁଲ ପଡିଆରେ ଅମ୍ଳଜାନ ସହାୟତା ସହ ୧୦୦୦ ଶଯ୍ୟା ବିଶିଷ୍ଟ ଏକ ଅସ୍ଥାୟୀ କୋଭିଡ କେୟାର ସେଣ୍ଟର ଖୋଲାଯାଉଛି, ଯାହା ଦେଶରେ ସବୁଠାରୁ ବଡ ବୋଲି ସେମାନେ ଦାବି କରିଛନ୍ତି |
ଅଧିକାରୀମାନେ ଏହା ମଧ୍ୟ କହିଛନ୍ତି ଯେ ଅସ୍ଥାୟୀ କୋଭିଡ କେୟାର ସେଣ୍ଟରରେ ନିୟୋଜିତ ହେବାକୁ ଥିବା ଡାକ୍ତରୀ କର୍ମଚାରୀଙ୍କ ଇଣ୍ଟରଭିଉ ଶେଷ ହୋଇଛି | ତେବେ ରାଜ୍ୟରେ କରୋନା ସଂକ୍ରାମିତଙ୍କ ସଂଖ୍ୟା ବଢ଼ୁଥିବାରୁ ସମସ୍ତଙ୍କୁ ଠିକ ସମୟରେ ଚିକିତ୍ସା ଯୋଗାଇବା ପାଇଁ ରାଜ୍ୟ ସରକାର ଏଭଳି ନିଷ୍ପତ୍ତି ନେଇଛନ୍ତି | ଗତ ସପ୍ତାହରେ ରାଜ୍ୟ ସରକାର ମେଡିକାଲ ଛାତ୍ରଛାତ୍ରୀ ତଥା ସରକାରୀ କର୍ମଚାରୀଙ୍କୁ ନିୟୋଜିତ କରି କୋଭିଡ ବିରୋଧୀ ପଦକ୍ଷେପକୁ ଦୃଢ କରିବାକୁ ନିଷ୍ପତ୍ତି ନେଇଥିଲେ ।