ନୂଆଦିଲ୍ଲୀ : ଭାରତର ମୋଟ କରୋନା ସଂକ୍ରମିତ ସଂଖ୍ୟା ଦ୍ରୁତ ଗତିରେ ବଢିଚାଲିଛି । ମଙ୍ଗଳବାର ସଂଧ୍ୟା ସୁଦ୍ଧା ଏହା ୪୬୭୧୧ରେ ପହଞ୍ଚିିଛି । ଏହା ମଧ୍ୟରୁ ସକ୍ରିୟ ସଂକ୍ରମିତଙ୍କ ସଂଖ୍ୟା ୩୧୯୬୭ ରହିଥିବାବେଳେ ମୃତ୍ୟୁସଂଖ୍ୟା ୧୫୮୩ ଓ ଆରୋଗ୍ୟ ସଂଖ୍ୟା ୧୩୧୬୦ ରହିଛି । ଦେଶର ମୃତ୍ୟୁହାର ୩ ପ୍ରତିଶତ ରହିଥିବାବେଳେ ଆରୋଗ୍ୟ ହାର ୨୭.୪ ପ୍ରତିଶତ ରହିଛି ।
Sambad is now on WhatsApp
Join and get latest news updates delivered to you via WhatsApp
ମହାରାଷ୍ଟ୍ରର ମୋଟ ସଂକ୍ରମିତ ସଂଖ୍ୟା ୧୪,୫୪୧ରେ ପହଞ୍ଚିବାବେଳେ ତା ପଛକୁ ଥିବା ଗୁଜୁରାଟରେ ମୋଟ ସଂକ୍ରମିତଙ୍କ ସଂଖ୍ୟା ୫୮୦୪ରେ ପହଞ୍ଚିଛି । ୩ୟ ସ୍ଥାନରେ ଥିବା ଦିଲ୍ଲୀର ସଂକ୍ରମିତ ସଂଖ୍ୟା ୪୮୯୮ରେ ପହଞ୍ଚିଛି ।
ହଠାତ ଗୋଟିଏ ଦିନରେ ଏତେ ସଂଖ୍ୟକ ସଂକ୍ରମିତ ଓ ମୃତ୍ୟୁସଂଖ୍ୟା ବଢିବା ସମ୍ପର୍କରେ ଆଜି କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟ ପକ୍ଷରୁ କୁହାଯାଇଥିଲା ଯେ କେତେକ ରାଜ୍ୟ ପୂର୍ବରୁ ଠିକ ସମୟର ତଥ୍ୟ ଦେଉନଥିଲେ । ଏବେ ସେମାନେ ତଥ୍ୟ ଦେବା ପରେ ସଂଖ୍ୟା ବଢିଯାଇଛି । ସମଗ୍ର ବିଶ୍ୱରେ କରୋନା ସଂକ୍ରମିତଙ୍କ ସଂଖ୍ୟା ୩୬ ଲକ୍ଷ ୬୯ ଲକ୍ଷକୁ ବୃଦ୍ଧି ପାଇଥିବାବେଳେ ମୃତ୍ୟୁସଂଖ୍ୟା ଅଢେଇ ଲକ୍ଷକୁ ଟପିଯାଇଛି । ତେବେ ବିଶ୍ୱର ଆରୋଗ୍ୟ ସଂଖ୍ୟା ୧୨ ଲକ୍ଷ ଟପିଯାଇଛି । ଆମେରିକାରେ ମୋଟ ସଂକ୍ରମିତ ସଂଖ୍ୟା ୧୨ ଲକ୍ଷ ଟପିଯାଇଛି ଓ ମୃତ୍ୟୁସଂଖ୍ୟା ୭୦ ହଜାର ନିକଟବର୍ତ୍ତୀ ହୋଇଛି ।