ପ୍ରତି ୧୧.୩ ଦିନରେ ଦେଶର କରୋନା ସଂକ୍ରମିତ ସଂଖ୍ୟା ଦୁଇଗୁଣ ହେଉଛି : ସ୍ୱାସ୍ଥ୍ୟମନ୍ତ୍ରୀ ଡ.ହର୍ଷବର୍ଦ୍ଧନ
ନୂଆଦିଲ୍ଲୀ : ଗତ ତିନି ଦିନ ହେଲା ଦେଶର ଦ୍ୱିଗୁଣିତ ହାର ୧୧.୩ ଦିନକୁ ବୃଦ୍ଧି ପାଇଛି । ଏହାର ଅର୍ଥ ହେଉଛି ୧୧.୩ ଦିନରେ ଦେଶର କରୋନା ସଂକ୍ରମିତଙ୍କ ସଂଖ୍ୟା ଦୁଇଗୁଣ ହେଉଛି । ଏପ୍ରିଲ ୨୦ ତାରିଖରେ ଏହା ୭ ଦିନ ଥିଲା ବୋଲି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡ.ହର୍ଷବର୍ଦ୍ଧନ କହିଛନ୍ତି ।
ସେ କହିଛନ୍ତି ଯେ ସମଗ୍ର ବିଶ୍ୱରେ କରୋନା ଜନିତ ମୃତ୍ୟୁହାର ୭ ପ୍ରତିଶତ ରହିଥିବାବେଳେ ଭାରତରେ ତାହା ୩ ପ୍ରତିଶତ ରହିିଛି । ଆହୁରି ମଧ୍ୟ ଭାରତରେ ମୃତ୍ୟୁବରଣ କରିଥିବା ପ୍ରାୟ ୮୬ ପ୍ରତିଶତ ଲୋକଙ୍କର ପୂର୍ବରୁ ଅନ୍ୟପ୍ରକାରର ରୋଗ ଥିଲା ।
Sambad is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଯେ ଦେଶର ମୋଟ କରୋନା ସଂକ୍ରମିତଙ୍କ ମଧ୍ୟରୁ ମାତ୍ର ୦.୩୩ ପ୍ରତିଶତ ଲୋକ ଭେଣ୍ଟିଲେଟର ସହାୟତାରେ. ୧.୫ ପ୍ରତିଶତ ଅକ୍ସିଜେନ ସହାୟତାରେ ଓ ୨.୩୪ ପ୍ରତିଶତ ଆଇସିୟୁରେ ଅଛନ୍ତି । ଦେଶରେ କରୋନା ରୋଗୀମାନଙ୍କୁ ଦିଆଯାଉଥିବା ଉତ୍ତମମାନର ଚିକିତ୍ସାକୁ ଏହା ଦର୍ଶାଉଛି ବୋଲି ସେ କହିଛନ୍ତି ।
ସେ କହିଛନ୍ତି ଯେ, ଦେଶବ୍ୟାପୀ ୨୮୮ଟି ସରକାରୀ ଲାବ, ୯୭ଟି ଘରୋଇ ଲାବ ଓ ପ୍ରାୟ ୧୬ ହଜାର ନମୁନା ସଂଗ୍ରହ କେନ୍ଦ୍ର ମାଧ୍ୟମରେ ପରୀକ୍ଷା କରାଯାଉଛି । ଏବେ ଦିନକୁ ୬୦ ହଜାର ପରୀକ୍ଷା କରାଯାଉଥିବାବେଳେ ତାହାକୁ ୧ ଲକ୍ଷକୁ ବୃଦ୍ଧି କରିବାକୁ ସରକାର ଲକ୍ଷ୍ୟ ରଖ#ଛନ୍ତି ।