ମାର୍ଚ ମାସରେ ଭାରତରେ ଇନ୍ଧନ ବ୍ୟବହାର ୧୮% ହ୍ରାସ ପାଇଛି
ନୂଆଦିଲ୍ଲୀ: ଦେଶବ୍ୟାପୀ ଲକଡାଉନ୍ ଅର୍ଥନୈତିକ କାର୍ଯ୍ୟକଳାପ ଏବଂ ଗମନାଗମ ସ୍ଥାଣୁ କରି ଦେଇଥିବାରୁ ମାର୍ଚ ମାସରେ ଭାରତର ଇନ୍ଧନ ବ୍ୟବହାର ୧୮% ହ୍ରାସ ପାଇଛି । ଏକ ଦଶନ୍ଧିରୁ ଅଧିକ ସମୟ ଅବଧିରେ ଏହା ହେଉଛି ଦେଶରେ ଇନ୍ଧନ ଚାହିଦାର ସର୍ବାଧିକ ହ୍ରାସ ।
Sambad is now on WhatsApp
Join and get latest news updates delivered to you via WhatsApp
ଗୁରୁବାର ଦିନ ରିଲିଜ୍ ହୋଇଥିବା ସରକାରୀ ତଥ୍ୟ ଅନୁସାରେ, ଡିଜେଲ୍, ପେଟ୍ରୋଲ ଏବଂ ଆଭିଏସନ୍ ଟର୍ବାଇନ୍ ଫୁଏଲର ଚାହିଦା କମି ଯିବାରୁ ମାର୍ଚ ମାସରେ ଭାରତର ପେଟ୍ରୋଲିୟମ୍ ଉତ୍ପାଦ ବ୍ୟବହାର ୧୭. ୭୯% ରୁ ୧୬. ୦୮% ମିଲିୟନ୍ ଟନ୍ କମିଯାଇଛି ।
ଦେଶରେ ସବୁଠୁ ଅଧିକ ବ୍ୟବହାର ହେଉଥିବା ଇନ୍ଧନ ହେଉଛି ଡିଜେଲ୍ । ଏହାର ଚାହିଦା ୨୪. ୨୩% ରୁ ୫. ୬୫% ମିଲିୟନ୍ ଟନ୍ ହ୍ରାସ ପାଇଛି । ଅଧିକାଂଶ ଟ୍ରକ୍ ସଡ଼କରୁ ହଟିଯିବାରୁ ଏବଂ ରେଳବାଇ ଟ୍ରେନ୍ ଚଳାଚଳ ବନ୍ଦ ରଖିବା ଫଳରେ ଦେଶରେ ଡିଜେଲ୍ ବ୍ୟବହାର ରେକର୍ଡ ମାତ୍ରରେ ହ୍ରାସ ପାଇଛି ।
କରୋନାଭାଇରସ୍ ସଂକ୍ରମଣ ରୋକିବାକୁ ୨୧ଦିନିଆ ଲକଡାଉନ୍ ଜାରି ହେବା ପରେ ରାସ୍ତାରେ ଅଧିକାଂଶ କାର୍ ଓ ଦୁଇଚକିଆ ଯାନ ଚଳାଚଳ ନ କରିବା ଯୋଗୁଁ ପେଟ୍ରୋଲ୍ ବିକ୍ରୟ ମଧ୍ୟ ୧୬. ୩୭% ରୁ ୨. ୧୫% ମିଲିୟନ୍ ଟନ୍ ହ୍ରାସ ପାଇଛି ।