ଭାରତରେ ଶାସନ କରୁଥିବା ଦଳ ମୁସଲିମ ଓ ପାକିସ୍ତାନ ବିରୋଧୀ : ଇମ୍ରାନ ଖାଁ
ଇସ୍ଲାମାବାଦ : ଭାରତରେ ଶାସନ କରୁଥିବା ମୋଦି ସରକାର ମୁସଲମାନ ଓ ପାକିସ୍ତାନ ବିରୋଧୀ ବୋଲି କହିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ । ନିର୍ବାଚନକୁ ଲକ୍ଷ୍ୟ ରଖି ଏହି ସରକାର ଆମ (ପାକିସ୍ତାନ)ର ଶାନ୍ତି କଥାବାର୍ତ୍ତା ପ୍ରସ୍ତାବକୁ ଅଗ୍ରାହ୍ୟ କରିଦେଲେ ବୋଲି ସେ ଅଭିଯୋଗ କରିଛନ୍ତି । ଆମେରିକୀୟ ସମ୍ବାଦପତ୍ର ଓ୍ଵାସିଂଟନ ପୋଷ୍ଟକୁ ଏକ ସାକ୍ଷାତକାର ଦେଇ ସେ କହିଛନ୍ତି ଯେ ଭାରତରେ ବର୍ତ୍ତମାନ ଶାସନ କରୁଥିବା ଦଳ (ବିଜେପି) ମୁସଲିମ ବିରୋଧୀ ଓ ପାକିସ୍ତାନ ବିରୋଧୀ । ଭାରତ ତାଙ୍କର ଶାନ୍ତି କଥାବାର୍ତ୍ତା ପ୍ରସ୍ତାବକୁ ଗ୍ରହଣ କଲା ନାହିଁ କାରଣ ଆଗକୁ ନିର୍ବାଚନ ଅଛି । ଆଶା କରୁଛୁ ଯେ ନିର୍ବାଚନ ପରେ ପୁଣି ଥରେ ଶାନ୍ତି କଥାବାର୍ତ୍ତା ଲାଗି ଉଦ୍ୟମ ଆରମ୍ଭ ହେବ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ପ୍ରଧାନମନ୍ତ୍ରୀ ଭାବେ ଶପଥ ନେବା ପରେ ଇମ୍ରା ଖାଁ ଭାରତ ସହ ଶାନ୍ତି ପାଇଁ ଆଗ୍ରହୀ ବୋଲି କହିଥିଲେ । ଜାତିସଂଘ ସାଧାରଣ ପରିଷଦ ବୈଠକ ବେଳେ ଦୁଇଦେଶର ବୈଦେଶିକ ମନ୍ତ୍ରୀସ୍ତରୀୟ କଥାବାର୍ତ୍ତା ଲାଗି ମଧ୍ୟ ପ୍ରସ୍ତାବ ଦିଆଯାଇଥିଲା । କିନ୍ତୁ ଭାରତ ଏହାକୁ ପ୍ରଥମେ ଗ୍ରହଣ କରିଥିଲେ ମଧ୍ୟ ପରେ ଅଗ୍ରାହ୍ୟ କରିଦେଇଥିଲା ।