ବିମାନରୁ ଯାତ୍ରୀଙ୍କୁ ନେଇ ଫେରୁଥିବା ବେଳେ ପରସ୍ପର ସହ ଧକ୍କା ଖାଇଲା ଇଣ୍ଡିଗୋ ଓ ସ୍ପାଇସଜେଟ୍ର ବସ୍, ୪ଜଣ ଯାତ୍ରୀ ଆହତ
ନୂଆଦିଲ୍ଲୀ : ଶନିବାର ଯାତ୍ରୀଙ୍କୁ ନେଇ ଫେରୁଥିବା ବେଳେ ଇଣ୍ଡିଗୋ ଓ ସ୍ପାଇସଜେଟ୍ର ବସ୍ ପରସ୍ପର ସହ ଧକ୍କା ଖାଇବାରୁ ୪ଜଣ ଯାତ୍ରୀ ଆହତ ହୋଇଛନ୍ତି । ଘଟଣାଟି ଅପରାହ୍ନ ୪ଟା ୩୦ମିନିଟ୍ରେ ଦିଲ୍ଲୀ ବିମାନବନ୍ଦରରେ ଘଟିଥିବା ବେଳେ ଟର୍ମିନାଲ-୨କୁ ଫେରୁଥିବା ବେଳେ ଏହି ଘଟଣା ଘଟିଥିଲା । ଘଟଣାର ସୂଚନା ପାଇବା ପରେ ଏୟାରଲଇନ୍ସ ପକ୍ଷରୁ ତଦନ୍ତ ଆଦେଶ ଦିଆଯାଇଛି । ଦୁଇଟି ଯାକ ବସ୍ ବିମାନରୁ ଯାତ୍ରୀ ନେଇ ଫେରିବା ବାଟରେ ଏଭଳି ଘଟଣା ଘଟିଥିଲା ।
Sambad is now on WhatsApp
Join and get latest news updates delivered to you via WhatsApp
ଏୟାରଲାଇନ୍ସ ପକ୍ଷରୁ କୁହାଯାଇଛି କି, ଦିଲ୍ଲୀରେ ବିମାନ ପହଞ୍ଚିବା ପରେ ଦୁଇଟି ବିମାନ କମ୍ପାନୀର ବସ୍ ଯାତ୍ରୀଙ୍କୁ ଆଣିବା ପାଇଁ ପହଞ୍ଚିଥିଲା । ଯାତ୍ରୀଙ୍କୁ ଧରି ଟର୍ମିନାଲ-୨ ଅଭିମୂଖେ ଆସୁଥିବା ବେଳେ ପରସ୍ପର ସହ ଧକ୍କା ଖାଇଥିଲା ଇଣ୍ଡିଗୋ ଓ ସ୍ପାଇସଜେଟ୍ର ବସ୍ । ତେବେ ୪ଜଣଙ୍କ ମଧ୍ୟରୁ ଦୁଇଜଣଙ୍କୁ ଉଡ଼ାଣ ଭରିବାକୁ ଥିବାରୁ ସେମାନଙ୍କର ପ୍ରଥମିକ ଚିକିତ୍ସା କରାଯାଇ ଛଡ଼ା ଯାଇଥିବା ବେଳେ ଅନ୍ୟ ଦୁଇଜଣଙ୍କୁ ବିମାନବନ୍ଦରରେ ଥିବା ମେଦାନ୍ତ କ୍ଲିନିକ୍ରେ ଚିକିତ୍ସା କରାଯାଇ ଛଡ଼ା ଯାଇଥିବା ଜଣା ପଡ଼ିଛି ।