ମୁମ୍ବାଇ : ଆସନ୍ତା ଅକ୍ଟୋବର ମାସରେ ମହାରାଷ୍ଟ୍ରରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ଶାସନରେ ଥିବା ବିଜେପି ନିର୍ବାଚନ ଜିତି ପୁଣି ଥରେ ଶାସନକୁ ଫେରିବାକୁ ଲକ୍ଷ୍ୟ ରଖିଥିବାବେଳେ କଂଗ୍ରେସ ମଧ୍ୟ ଶାସନକୁ ଫେରିବାକୁ ଆଶା ରଖିଛି । ନିର୍ବାଚନ ଜିଣିବାକୁ ବିଜେପି ବେଶ ଯୋଜନାବଦ୍ଧଭାବେ ଆଗଉଥିବାବେଳେ ମହାରାଷ୍ଟ୍ର ପ୍ରଦେଶ କଂଗ୍ରେସରେ ଗୋଷ୍ଠୀବିବାଦ ଦିନକୁ ଦିନ ବଢିଚାଲିଛି । ରାଜ୍ୟ କଂଗ୍ରେସ ଏବେ ଦୁଇଟି ଶିବିରରେ ବାଣ୍ଟି ହୋଇଯାଇଛି- ଗୋଟିଏ ହେଉଛି ମିଳିନ୍ଦ ଦେଓରା ଗୋଷ୍ଠୀ ଓ ଅନ୍ୟଟି ହେଉଛି ସଂଜୟ ନିରୁପମ ଗୋଷ୍ଠୀ । ଦୁଇ ଗୋଷ୍ଠୀ ପରସ୍ପର ବିରୋଧରେ ଚକ୍ରାନ୍ତ କରିବାରେ ବ୍ୟସ୍ତ । ଏହି ଗୋଷ୍ଠୀ ବିବାଦ କାରଣରୁ ଗତକାଲି ବଲିଉଡ ଅଭିନେତ୍ରୀ କଂଗ୍ରେସରୁ ଇସ୍ତଫା ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସଦଳର ବୃହତ୍ତର ସ୍ୱାର୍ଥରକ୍ଷା ଦିଗରେ କାମ କରିବା ବଦଳରେ ମୁମ୍ବାଇ କଂଗ୍ରେସ ନିଜ ନିଜ ମଧ୍ୟରେ କନ୍ଦଳରେ ବ୍ୟସ୍ତ ରହିଛି ବୋଲି ଉର୍ମିଲା କହିଥିଲେ । କେବଳ ଉର୍ମିଲା ନୁହଁନ୍ତି ଆଉ କେତେକ ବରିଷ୍ଠ ନେତା ନିକଟ ଭବିଷ୍ୟତରେ ଦଳ ଛାଡିବା ସମ୍ଭାବନା ରହିଥିବା ଜଣାପଡିଛି ।