ବେକରେ ଛୁରୀ ପଶିଥିବା ସତ୍ତ୍ୱେ ବାଇକ ଚଳାଇ ମେଡିକାଲରେ ପହଞ୍ଚିଲେ ବ୍ୟକ୍ତି
ବଡ ଭାଇଙ୍କୁ ଛୁରାମାଡ଼ କରିଥିଲା ସାନ ଭାଇ
ମୁମ୍ବାଇ: ବଡ ଭାଇଙ୍କୁ ଛୁରାମାଡ଼ କରିଥିଲା ସାନ ଭାଇ | ତେବେ ନିଜ ଜୀବନ ବଞ୍ଚାଇବାକୁ ବାଇକ ଚଳାଇ ମେଡିକାଲରେ ପହଁଚିଲେ ଆକ୍ରମଣର ଶିକାର ହୋଇଥିବା ଯୁବକ | ମହାରାଷ୍ଟ୍ରର ନଭିମୁମ୍ବାଇରେ ଜଣେ ଭାଇ ନିଜ ବଡ଼ ଭାଇକୁ ଛୁରୀରେ ଆକ୍ରମଣ କରିଥିଲେ। ପୁଲିସର ସୂଚନା ମୁତାବକ ମହାରାଷ୍ଟ୍ରର ନଭିମୁମ୍ବାଇରେ ଜଣେ ୩୨ ବର୍ଷୀୟ ବ୍ୟବସାୟୀଙ୍କୁ ତାଙ୍କ ସାନଭାଇ ଛୁରୀରେ ଆକ୍ରମଣ କରିଥିଲେ। ଛୁରୀଟି ବେକରେ ଅଟକି ରହିଥିଲା ଏବଂ ପୀଡିତ ଜଣକ ନିଜେ ଚିକିତ୍ସା ପାଇଁ ତାଙ୍କ ମୋଟରସାଇକେଲ ଚଳାଇ ଡାକ୍ତରଖାନାକୁ ଯାଇଥିଲେ। ଡାକ୍ତରମାନେ କହିଛନ୍ତି ଯେ ଛୁରୀଟି ସୌଭାଗ୍ୟବଶତଃ ତାଙ୍କର ଶିରା ଓ ଧମନୀକୁ କୌଣସି ଆଘାତ କରିନଥିବାରୁ ପୀଡିତ ତେଜସ ପାଟିଲ ବଞ୍ଚିଯାଇଥିଲେ |
Sambad is now on WhatsApp
Join and get latest news updates delivered to you via WhatsApp
ପୁଲିସ କହିଛି ଯେ ତେଜସ ତାଙ୍କ ଘରେ ଶୋଇଥିବା ବେଳେ ତାଙ୍କ ସାନଭାଇ ମନିଶ ସେଠାରେ ପହଞ୍ଚି ଛୁରୀରେ ଆକ୍ରମଣ କରିଥିଲେ | ଅପରାଧ କରିବା ପରେ ମନିଶ ଏବେ ଫେରାର ଅଛି । ପୁଲିସ କହିଛି ଯେ ଗୁରୁତର ଆହତ ହେବା ପରେ ବି ତେଜସ ସାହସ ଦେଖାଇ ପ୍ରାୟ ଏକ କିଲୋମିଟର ପର୍ଯ୍ୟନ୍ତ ମୋଟରସାଇକେଲ ଚଳାଇ ଡାକ୍ତରଖାନାରେ ପହଞ୍ଚିଥିଲେ। ବର୍ତ୍ତମାନ ସେ ବିପଦମୁକ୍ତ ଅଛନ୍ତି। ପୁଲିସ ଅଧିକାରୀ କହିଛନ୍ତି ଯେ ଭାରତୀୟ ପେନାଲ କୋଡର ଧାରା ୩୦୭ (ହତ୍ୟା ଉଦ୍ୟମ) ଅନୁଯାୟୀ ମନିଶ ଏବଂ ତାଙ୍କର ଜଣେ ବନ୍ଧୁଙ୍କ ବିରୋଧରେ ପୁଲିସ ଏକ ମାମଲା ରୁଜୁ କରିଛି।