ଦୁଇ ପୁଅ ଥାଉ ଥାଉ ୯୦ବର୍ଷିୟ ମା’ର ଶବକୁ କାନ୍ଧେଇଲେ ଝିଅ ଏବଂ ବୋହୂ,ଏହା ପଛରେ ଥିଲା ଏହି ଭଳି କାରଣ
ବାରଣାସୀ : ରବିବାର ଉତ୍ତରପ୍ରଦେଶରେ ଏକ ଅଜବ ଘଟଣା ଦେଖିବାକୁ ମିଳିଛି । ଉତ୍ତରପ୍ରଦେଶର ବାରଣାସୀ ଜିଲ୍ଲାରେ ୯୦ବର୍ଷିୟ ବୃଦ୍ଧାଙ୍କ ମୃତ୍ୟୁ ପରେ ତାଙ୍କ ଶବକୁ ପୁଅମାନେ କାନ୍ଧେଇବା ଅପେକ୍ଷା ତାଙ୍କ ଝିଅ ଏବଂ ବୋହୂ କାନ୍ଧେଇଥିବା ଦେଖିବାକୁ ମିଳିଥିଲା । ବୃଦ୍ଧାଙ୍କ ଦୁଇ ପୁଅ ସେଠାରେ ଉପସ୍ଥିତ ଥାଇ ମଧ୍ୟ କିଛି ଖାସ୍ କାରଣ ପାଇଁ ସେ ଏହି କାମର ବିରୋଧ କରି ନ ଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବରିୟାସନପୁର ଗ୍ରାମରେ ଜଣେ ୯୦ବର୍ଷିୟ ବୃଦ୍ଧାଙ୍କୁ ତାଙ୍କ ଝିଅ ଏବଂ ବୋହୂ ପରମ୍ପରାକୁ ଭାଙ୍ଗି ତାଙ୍କ ଶବ କାନ୍ଧେଇ ଗାଁ ବାହାରକୁ ନେଇଥିଲେ । ଏହି କାମ କରି ସାରିବା ପରେ ବୃଦ୍ଧାଙ୍କ ଝିଅ ମୁଁ ମୋ ମା’ଙ୍କ ଶେଷ ଇଚ୍ଛା ପୂରଣ କରିଛି ବୋଲି କହିଥିଲେ । ମୃତ ସନ୍ତଳା ଦେବୀ ମରିବା ପୂର୍ବରୁ ନିଜର ଶେଷ ଇଚ୍ଛା ଜଣାଇଥିଲେ । ମୁଁ ମରିବା ପରେ ମୋ ଝିଅ ଏବଂ ବୋହୂ ମୋ ଶବକୁ କାନ୍ଧେଇବେ ବୋଲି କହିଥିଲେ । ସମାଜରୁ ପୁଅମାନେ ହିଁ କେବଳ ଶବ କାନ୍ଧେଇ ପାରିବେ ସେ ଭାବନାକୁ ଦୂର କରିବା ସହ ଝିଅମାନେ ମଧ୍ୟ ଶବ କାନ୍ଧେଇବା ପାଇଁ ସକ୍ଷମ ତାହା ଜଣାଇବା ପାଇଁ ସନ୍ତଳା ଦେବୀ ଏପରି କହିଥିବା ଜଣାପଡ଼ିଛି ।