ନୂଆଦିଲ୍ଲୀ : ସୋମବାରଦିନ ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମ ଡାଉନ ହୋଇଯାଇଛି । ଲୋକମାନେ ନିଜ ନିଜର ଆକାଉଣ୍ଟ ଚଳାଇବାରେ ସମସ୍ୟାର ସମ୍ମୁଖୀନ ହେଉଛନ୍ତି । ହ୍ବାଟ୍ସଆପ୍ ବିଭ୍ରାଟର କିଛି ଦିନ ପରେ ଇନଷ୍ଟାଗ୍ରାମରେ ବିଭ୍ରାଟ ସମସ୍ତଙ୍କୁ ଚିନ୍ତାରେ ପକାଇଦେଇଛି ।
Sambad is now on WhatsApp
Join and get latest news updates delivered to you via WhatsApp
ଏପରିକି ଏହି ଲୋକପ୍ରିୟ ସୋସିଆଲ ମିଡିଆ ଆପର ଅନେକ ଉପଭୋକ୍ତା ଅଭିଯୋଗ କରିଛନ୍ତି ଯେ ସେମାନଙ୍କ ଆକାଉଣ୍ଟ ଅଚଳ କିମ୍ବା ରଦ୍ଦ ହୋଇଯାଇଛି।
ଇନଷ୍ଟାଗ୍ରାମ ପକ୍ଷରୁ ଏହି ବିଭ୍ରାଟକୁ ସ୍ବୀକାର କରାଯିବା ସହ ଅସୁବିଧା ପାଇଁ ୟୁଜରମାନଙ୍କୁ କ୍ଷମାପ୍ରାର୍ଥନା କରାଯାଇଛି । ଏହା ସହିତ ସମସ୍ୟାର ସମାଧାନ ପାଇଁ ଉଦ୍ୟମ କରାଯାଉଛି ବୋଲି କୁହାଯାଇଛି ।
ଏପରିକି କେତେକ ୟୁଜର ଅଭିଯୋଗ କରିଛନ୍ତି ଯେ ସେମାନଙ୍କ ପାଖକୁ ନୋଟିସ ଆସିଛି ଯେ ସେମାନଙ୍କ ଆକାଉଣ୍ଟ ଅକ୍ଟୋବର ୩୧ରେ ଶେଷ ହୋଇଯିବ । ଯଦି ସେମାନେ ଏଥିରେ ରାଜି ନାହାନ୍ତି, ତେବେ ସେମାନେ ନୋଟିଫିକେସନ ଉପରେ ଥିବା ‘ଡିସାଗ୍ରି’ ଉପରେ କ୍ଲିକ କରନ୍ତୁ ।
ଅକ୍ଟୋବର ୨୫ ଦୀପାବଳିରେ ମେସେଜ ସେୟାରିଂ ଆପ ହ୍ୱାଟସଆପରେ ଏକ ବଡ଼ ବିଭ୍ରାଟ ଦେଖାଯାଇଥିଲା । ଏହା ଫଳରେ ଦେଶ ଏବଂ ବିଦେଶରେ ଅନେକ ଉପଭୋକ୍ତା ଭିଡିଓ ଏବଂ ଫଟୋ ସେୟାର କରିବାକୁ ଅସମର୍ଥ ହୋଇଥିଲେ । କିଛି ଘଣ୍ଟା ଏହି ବିଭ୍ରାଟ ରହିବା ପରେ ସ୍ଥିତି ସ୍ବାଭାବିକ ହୋଇଥିଲା ।