ନୂଆଦିଲ୍ଲୀ : ପ୍ରତି ମସଜିଦ ଓ ମଦ୍ରାସା ଭିତରେ ଓ ବାହାରେ ଶକ୍ତିଶାଳୀ କ୍ୟାମେରା ଲଗାଇ ସମସ୍ତ ଗତିବିଧି ଉପରେ ନଜର ରଖାଯାଉ ବୋଲି ବିଶ୍ବ ହିନ୍ଦୁ ପରିଷଦ ଦାବି କରିଛି । ଏପରିକି ମୁସଲିମ ବହୁଳ ଇଲାକାରେ ହାଇ ରିଜୋଲ୍ୟୁସନ କ୍ୟାମେରା ଲଗାଇବାକୁ ଭିଏଚପି ଦାବି କରିଛି । ଗତ ଶୁକ୍ରବାରଦିନ ନମାଜ ପରେ ହିଂସା ଆରମ୍ଭ ହୋଇଥିବା ପରିପ୍ରେକ୍ଷୀରେ ଭିଏଚପି ପକ୍ଷରୁ ଏହା କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଭିଏଚପି କାର୍ଯ୍ୟକାରୀ ସଭାପତି ଆଲୋକ କୁମାର କହିଛନ୍ତି ଯେ, ଯେଉଁମାନେ ଦେଶର ଶାନ୍ତିପୂର୍ଣ୍ଣ ବାତାବରଣକୁ ନଷ୍ଟ କରୁଛନ୍ତି ସେମାନେ ମନେ ରଖିବା ଉଚିତ ଯୋ ଦେଶ ସରିଆତ ଦ୍ବାରା ନୁହେଁ, ସମ୍ବିଧାନ ଦ୍ବାରା ଚାଲୁଛି ।
ସେ କହିଛନ୍ତି ଯେ ଯେଉଁମାନେ ଶୁକ୍ରବାରଦିନ ହିଂସା, ଜଳାପୋଡ଼ା କରିଥିଲେ ସେମାନେ ମସଜିଦରୁ ନମାଜ ପଢିବା ପରେ ଏହା କରିଥିଲେ । ଜିହାଦୀ ନେତାମାନେ ସାଧାରଣ ମୁସଲିମମାନଙ୍କୁ ହିଂସା କରିବାକୁ ଉସୁକାଉଛନ୍ତି । କିନ୍ତୁ ସେମାନେ ଜାଣିବା ଉଚିତ ଯେ, ହିଂସା ନା ସେମାନଙ୍କର ନା ଦେଶ ପାଇଁ ହିତକର ନୁହେଁ । ହିଂସା କରୁଥିବା ଲୋକମାନଙ୍କୁ କଠୋର ହସ୍ତରେ ଦମନ କରାଯିବା ଉଚିତ ବୋଲି ସେ କହିଛନ୍ତି ।
ବିବାଦୀୟ ବୟାନ ମାମାଲାରେ କୋର୍ଟଙ୍କ ନିଷ୍ପତ୍ତିକୁ ଅପେକ୍ଷା କରିବାକୁ ସେ ମୁସଲିମ ସଂପ୍ରଦାୟର ଲୋକମାନଙ୍କୁ ନିବେଦନ କରିଛନ୍ତି । ପ୍ରଫେଟ ବୟାନ ବିବାଦକୁ ନେଇ ଶୁକ୍ରବାରଦିନ ଭାରତୀୟ ମୁସଲମାନମାନେ ରାସ୍ତାକୁ ଓହ୍ଲାଇଛନ୍ତି । ସେମାନେ ନୂପୁର ଶର୍ମାଙ୍କ ଗିରଫ ଦାବି କରି ହିଂସାତ୍ମକ ଆନ୍ଦୋଳନ କରିଥିଲେ ।