ଦ୍ରୁତ ଗତିରେ ଆସୁଥିବା ଏକ କାର୍ ଧକ୍କା ଦେବା ପରେ ଛିଟିକି ପଡ଼ିଲେ ବାଇକ୍ ଚାଳକ, ଉଠାଇବା ପରିବର୍ତ୍ତେ କାର୍ରୁ ବାହାରି ଯୁବକ କଲେ ଏଭଳି କାମ
ନୂଆଦିଲ୍ଲୀ : ସୋସିଆଲ ମିଡ଼ିଆରେ ଆର୍ଜେଣ୍ଟିନାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଜଣେ ଯୁବକ ବାଇକ୍ ଚାଳକକୁ ଧକ୍କା ଦେବା ପରେ ଯେଉଁ କାମ କରିଥିଲେ,ତାକୁ ଦେଖି ଉପସ୍ଥିତ ଲୋକ ଆଶ୍ଚର୍ଯ୍ୟ ହୋଇ ଯାଇଥିଲେ । ଭିଡିଓରେ ଦୁର୍ଘଟଣା ସମୟରେ ଦୃଶ୍ୟ ଅପେକ୍ଷା ଧକ୍କା ଦେଇଥିବା ଚାଳକ ଯେଉଁ କାମ କରିଥିଲେ,ତାହାକୁ ନେଇ ଏବେ ଚାରିଆଡ଼େ ଚର୍ଚ୍ଚା ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ବାଇକ୍ ଚାଳକ ରାସ୍ତା ପାର୍ ହେଉଥିବା ବେଳେ ଦ୍ରୁତ ଗତିରେ ଆସୁଥିବା କାର୍ ଆସି ତାଙ୍କୁ ଧକ୍କା ଦେଇଥିଲେ । ଯାହା ଫଳରେ ବାଇକ୍ ଚାଳକ ଛିଟିକି ପଡ଼ିବା ସହ ସାଥୀରେ ନେଉଥିବା ସବୁ ଜିନିଷ ଏପଟ ସେପଟ ହୋଇ ପଡ଼ି ଯାଇଥିଲା । ମୁଣ୍ଡରୁ ହେଲ୍ମେଟ୍ ଖସି ପଡ଼ିବା ସହ ସାଥୀରେ ନେଉଥିବା ଟଙ୍କା ମଧ୍ୟ ଖସି ପଡ଼ିଥିଲା । ଏହା ଦେଖି କାର୍ ଚାଳକ ଗାଡ଼ିରୁ ବାହାରି ବାଇକ୍ ଚାଳକଙ୍କୁ ସାହାଯ୍ୟ କରିବା ପରିବର୍ତ୍ତେ ରାସ୍ତାରେ ପଡ଼ିଥିବା ଟଙ୍କା ଉଠାଇ କାର୍ରେ ବସି ଚାଲି ଯାଇଥିଲା । କାର୍ ଚାଳକଙ୍କ ଏଭଳି କାମ ଦେଖିବା ପରେ ସମସ୍ତେ ତାଙ୍କୁ ନିନ୍ଦା କରିବା ଆରମ୍ଭ କରିଛନ୍ତି ।