ବୀମା ପରିସରଭୁକ୍ତ ହେବେ ଟ୍ରକ୍ ଡ୍ରାଇଭର୍, ହେଲ୍ପର୍
କେନ୍ଦ୍ର କରୁଛି ଯୋଜନା, ଘୋଷଣା ଖୁବ୍ଶୀଘ୍ର
ନୂଆଦିଲ୍ଲୀ : କରୋନା ମହାମାରୀର ପ୍ରକୋପ ମଧ୍ୟରେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସାମଗ୍ରୀ ପରିବହନ କରୁଥିବା ଟ୍ରକ୍ ଡ୍ରାଇଭର ଓ ହେଲପରମାନଙ୍କୁ ବୀମା ପରିସରଭୁକ୍ତ କରିବା ପାଇଁ କେନ୍ଦ୍ର ସରକାର ଯୋଜନା କରୁଥିବା ଜଣାପଡ଼ିଛି। କେନ୍ଦ୍ର ସଡ଼କ ପରିବହନ ଓ ରାଜମାର୍ଗ ମନ୍ତ୍ରାଳୟ ପକ୍ଷରୁ ପାଖାପାଖି ୫୦ ଲକ୍ଷରୁ ଅଧିକ ଟ୍ରକ୍ ଡ୍ରାଇଭର ଓ ହେଲପରମାନଙ୍କୁ ବୀମା ପରିସରଭୁକ୍ତ କରିବା ନେଇ ଆଲୋଚନା ଶେଷ ହୋଇଛି। କିନ୍ତୁ ବୀମା ରାଶି ସମ୍ପର୍କରେ ନିଷ୍ପତ୍ତି ହୋଇପାରି ନାହିଁ ବୋଲି ମନ୍ତ୍ରାଳୟ ସୂତ୍ରରୁ ଜଣାପଡ଼ିଛି। ଟ୍ରାନ୍ସପୋର୍ଟ ଆସୋସିଏସନ୍ମାନଙ୍କ ଦ୍ବାରା ଅନ୍ୟ କରୋନା ଯୋଦ୍ଧାଙ୍କ ଭଳି ଟ୍ରକ୍ ଡ୍ରାଇଭର ଓ ହେଲପରମାନଙ୍କୁ ୫୦ ଲକ୍ଷ ଟଙ୍କାର ବୀମା କରାଇବା ପାଇଁ କେନ୍ଦ୍ର ସରକାରଙ୍କୁ ପ୍ରସ୍ତାବ ଦିଆଯାଇଛି।