ଆଫଗାନ ଆତଙ୍କବାଦୀଙ୍କୁ ଆଣି ଭାରତରେ ବଡ଼ ଧରଣର ଆତଙ୍କବାଦୀ ଆକ୍ରମଣ ଯୋଜନାରେ ପାକ୍ : ର’ ରିପୋର୍ଟ
ନୂଆଦିଲ୍ଲୀ : ଜମ୍ମୁ ଓ କଶ୍ମୀରରୁ ଭାରତ ସରକାର ଧାରା ୩୭୦ ପ୍ରତ୍ୟାହାର କରିବା ପରେ ପାକିସ୍ତାନ ରାଗରେ ରକ୍ତଚାଉଳ ଚୋବାଉଛି । ଜାତିସଂଘ ଓ ଅନ୍ତର୍ଜାତୀୟ ସମୁଦାୟରୁ ମଧ୍ୟ ପାକିସ୍ତାନ କୌଣସି ସହାୟତା ହାସଲ କରିପାରିଲା ନାହିଁ । କେବଳ ଚୀନ ବ୍ୟତୀତ ଅନ୍ୟ କୌଣସି ଶକ୍ତିଶାଳୀ ଦେଶ ପାକିସ୍ତାନ ପଛରେ ଛିଡା ହେଲେ ନାହିଁ । ଅନ୍ୟପକ୍ଷରେ ପାକିସ୍ତାନ ଭିତରେ ଲୋକମାନଙ୍କ ଚାପ ସରକାରଙ୍କ ଉପରେ ବଢିଚାଲିଛି । ଏ ପରିସ୍ଥିତିରେ ପାକିସ୍ତାନ ପୁଣି ଥରେ ଆତଙ୍କବାଦର ଆଶ୍ରୟ ନେବାକୁ ଯାଉଛି ।
Sambad is now on WhatsApp
Join and get latest news updates delivered to you via WhatsApp
ଭାରତରେ ବଡ଼ ଧରଣର ଆତଙ୍କବାଦୀ ଆକ୍ରମଣ କରିବାକୁ ପାକିସ୍ତାନ ଷଡ଼ଯନ୍ତ୍ର କରୁଥିବା ଭାରତର ପ୍ରମୁଖ ଗୁଇନ୍ଦା ସଂସ୍ଥା ର’ ରିପୋର୍ଟ ଦେଇଛି । କେବଳ କଶ୍ମୀର ନୁହେଁ, ଭାରତର ରାଜଧାନୀ ନୂଆଦିଲ୍ଲୀ, ମୁମ୍ବଇ ପ୍ରଭୃତି ବଡ଼ ବଡ଼ ସହରରେ ଆତଙ୍କବାଦୀ ଆକ୍ରମଣ କରିବାକୁ ପାକିସ୍ତାନ ଯୋଜନା କରୁଥିବାର’ ରିପୋର୍ଟରେ କୁହାଯାଇଛି । ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଉଛି ଆଫଗାନ ଆତଙ୍କବାଦୀଙ୍କୁ କଶ୍ମୀର ଏପରିକି ଦିଲ୍ଲୀରେ ଅନୁପ୍ରବେଶ କରାଇ ବଡ଼ ଧରଣର ଆକ୍ରମଣ କରିବାକୁ ଯୋଜନା କରୁଛି ଆଇଏସଆଇ ।